រុស្សុី៖ សហ័ពន្ធបាល់ទាត់ពិភពលោក ដែលហៅកាត់ថា FIFA បានបំពាក់បច្ចេកវិទ្យាថ្មីមួយទៀតដែលមានឈ្មោះថា Electronic Performance & Tracking Systems (EPTS) អាចបង្ហាញចេញនូវទិន្នន័យរបស់កីឡាករនៅលើទីលានប្រកួតបាន។
សម្រាប់ World Cup ឆ្នាំ ២០១៨ នេះបានប្រមូលផ្តុំ ទៅដោយបច្ចេកវិទ្យាទំនើបៗ ជាច្រើនដើម្បីជួយជំរុញ ឲ្យការប្រកួតប្រព្រឹត្តិទៅដោយរលូន និងមានភាពយុត្ដិធម៌បំផុត។
នេះជាលើកទីមួយហើយដែលសហព័ន្ធ FIFA បានផ្តល់ជូននូវបច្ចេកវិទ្យាថ្មីមួយ ដែលអាចប្រមូលនូវទិន្នន័យឆ្លងកាត់គ្នារវាងជំនួយការគ្រូបង្វឹក និងអ្នកវិភាគទិន្នន័យ។
ឧបករណ៍ Tablet ដែលអ្នករមែងឃើញ ជំនួយការគ្រូបង្វឹកកាន់ជាប់នឹងដៃ ក្នុងការប្រកួតមានបំពាក់នូវបច្ចេកវិទ្យា Electronic Performance & Tracking Systems (EPTS) អាចបង្ហាញចេញនូវទិន្នន័យរបស់កីឡាករលើទីលានប្រកួត ពោលដូចជាចម្ងាយនៃការរត់ ឬ ល្បឿនជាដើម។
ចំពោះដំណើរការវិញ ដំណាក់កាលដំបូងនេះ គឺគ្រាន់តែដំណើរការនៅក្នុងកុំព្យូទ័រ របស់អ្នកវិភាគទិន្នន័យតែប៉ុណ្ណោះ ដោយឆ្លងកាត់តាមប្រព័ន្ធកាមេរ៉ា Optical Tracking ចាប់សកម្មភាពនៅលើទីលាន មុននឹងធ្វើការបញ្ជូនបន្តទៅ ឲ្យជំនួយការគ្រូបង្វឹក ដែលអង្គុយនៅទីតាំងកៅអីបម្រុង នឹងដំណាក់កាលចុងក្រោយ ប្រើសម្រាប់បង្ហាញទិន្នន័យពីការប្រកួតទាំងមូល៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
