អាល្លឺម៉ង់៖ លោក Florentino Perez ម្ចាស់ក្លិបបាល់ទាត់ Real Madrid បានចេញមុខបដិសេដនូវដំណឹង ដែលថាក្លិបបានព្រមព្រៀងក្នុងការទិញខ្សែប្រយុទ្ធ Kylian Mbappe និង Neymar ពីក្លិប Paris Saint Germain។
កាលពីពេលថ្មីៗនេះ មានកាសែតរបស់ប្រទេសបារាំងមួយ បានរាយការណ៍ថា ក្រុមជើងឯក UEFA Champions League ឆ្នាំ ២០១៨ នេះបានព្រមព្រៀងជាមួយក្លិប PSG ក្នុងការទិញយកកីឡាករ Mbappe ក្នុងតម្លៃ ២៧២ លានអឺរ៉ូ (ជាង ៣១៦ លានដុល្លារអាមេរិក)។ ចំណែកខ្សែប្រយុទ្ធឆ្នើម Neymar វិញក្នុងតម្លៃ ៣១០ លានអឺរ៉ូ (ជាង ៣៦០ លានដុល្លារអាមេរិក)។
ចំពោះរបាយការណ៍ខាងលើនេះ ត្រូវបានម្ចាស់ក្លិប Real Madrid លោក Florentino Perez ចេញមកបដិសេធនូវរឿងនេះដោយផ្ទាល់តែម្តង ហើយលោកបានហៅការរាយការណ៍នេះថា គឺ «ខុសពីការពិតទាំងស្រុង យើងគ្មានផ្លូវទិញយក កីឡាករទាំងពីររូបនេះ នោះទេ ដោយសារតែយើងគ្រាន់តែចង់ រក្សា Ronaldo និង Bale ឲ្យស្នាក់នៅជាមួយយើងបន្ត តែប៉ុណ្ណោះ»៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
