ថៃ៖ ក្រោយបានទទួលដំណឹងថា ក្រុមអ្នកចូលទៅសង្គ្រោះ បានរកឃើញ ក្រុមកីឡាករទាំង១៣រូប ដែលបានជាប់ក្នុងរូងភ្នំថាំហ្លួង ខេត្តឈៀងរ៉ៃ ប្រទេសថៃ មានអ្នកលេងតាមបណ្តាញសង្គមជាច្រើននាក់ បានសម្ដែងក្ដីរំភើបត្រេកអរជាខ្លាំង មិនខុសពីក្រុមគ្រួសាររបស់ពួកគេនោះទេ។
យ៉ាងណាមិញ រឿងនេះនៅតែបន្តជាចម្ងល់ដល់មហាជន ព្រោះតែចង់ដឹងពីមូលពិតប្រាកដយ៉ាងណា ទើបបណ្ដាឲ្យអ្នកជម្រុជទឹកជនជាតិ អង់គ្លេសទាំង២ បានរកឃើញ ខណៈដែលអ្នកសង្គ្រោះដទៃទៀតព្យាយាមស្វែងរកអស់រយៈពេលជាច្រើនថ្ងៃ តែបែរជាមិនឃើញសូម្បីស្រមោល។
ក្នុងកិច្ចសម្ភាសន៍ជាមួយអ្នកសារព័ត៌មានថៃ លោក Richard William Stanton និង Robert Charles Harper ដែលជាអ្នកបានប្រទះឃើញក្មេងៗទាំងនោះមុនគេ បានទម្លាយប្រាប់ពីហេតុការណ៍ទាំងស្រុង ហើយសូម្បីតែអ្នកទាំង២ផ្ទាល់ ក៏សឹងមិនជឿថាមានរឿងគាប់ជួនបែបនេះដែរ។
ជាការពិតណាស់ តួនាទីរបស់ពួកគាត់ គ្រាន់តែជាការអ្នកបើកផ្លូវនាំមុខ ដោយទាញខ្សែពួរអូសចូលទៅក្នុងល្អាងភ្នំប៉ុណ្ណោះ ដើម្បីឱ្យក្រុមជួយសង្គ្រោះផ្សេងៗទៀតចូលមកតាមក្រោយ ។ ជាក់ស្ដែង បើតាមផែនការគឺ លោកត្រូវបន្តទៅឆ្ងាយពីតំបន់ដែលក្មេងជាប់គាំង ជាច្រើនម៉ែត្រទៀត ។ ប៉ុន្តែគាប់ជួន ក៏មានរឿងចៃដន្យ នៅពេលទៅដល់កន្លែងក្មេងជាប់គាំងនោះ ខ្សែពួរដែលអូសចូលមកស្រាប់តែអស់ល្មម ដូចនេះគាត់ទាំង២នាក់ មានតែសម្រេចចិត្តងើបចេញពីក្នុងទឹកវិញ ដើម្បីកំណត់ទីតាំងដែលអស់ខ្សែពួរ ដោយពេលងើបឡើងមក ក៏ប្រទះឃើញក្មេងៗទាំងនោះតែម្ដង។
លោក Richard William Stanton និង Robert Charles Harper បានបញ្ជាក់ថា ប្រសិនជាខ្សែពួរដែលនាំយកមកនោះ ខ្លីជាងនេះប្រហែល ៤ ម៉ែត្រកន្លះនោះ ពួកគាត់ប្រាកដមិនអាចឃើញវត្តមានរបស់ក្មេងៗទាំងនោះឡើយ៕
ចង់ជ្រាបច្បាស់ទស្សនាវីដេអូខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]