អង់់គ្លេស៖ អ្នកចាំទីជើងចាស់ Lee Grant បានបិទបញ្ចប់ការផ្ទេរ ទៅកាន់ Manchester United ជាផ្លូវការហើយ បន្ទាប់ពីរូបគេបានផ្ទេរពីក្លិប Stoke City លើកិច្ចសន្យា ២ រដូវកាលក្នុងតម្លៃ ១.៥ លានផោន (ជិត ២ លានដុល្លារអាមេរិក)។
អ្នកចាំទីដែលមានវ័យ ៣៥ ឆ្នាំរូបនេះ បានធ្វើដំណើរទៅដល់ទីលានហ្វឹកហាត់ Carrington កាលថ្ងៃទី ០២ ខែ កក្កដា កន្លងទៅ នឹងបានពិនិត្យសុខភាពមុននឹងចុះកុងត្រារូចរាល់។
ចំណែកឯការផ្ទេរយកកីឡាករសម្បូរបទពិសោធរូបនេះវិញ គឺក្នុងគោលបំណងដើម្បីមកជំនួស តំណែងអ្នកចាំទីវ័យក្មេង Joel Pereira ដែលអ្នកចាត់ការទូទៅលោក Jose Mourinho បានគ្រោងនឹងឲ្យក្លិបផ្សេងៗខ្ចី ស្របពេលដែល Sam Johnstone វិញបានទៅលក់ឲ្យ West Bromwich Albion បាត់ទៅហើយនោះ។
គ្រូបង្វឹកក្លិបបិសាចក្រហម Manchester United រូបនេះ ក៏បានចាប់អារម្មណ៏ Grant តាំងពីពេលដែល Stoke ស្មើគ្នា Man UTD កាលពីឆ្នាំ ២០១៦ មកម្ល៉េះ។
គួរបញ្ជាក់ថា Grant បានក្លាយជាសមាជិកថ្មីទី ៣ របស់ក្រុមបិសាចក្រហម បន្ទាប់ពី Fred និង Diego Dalot៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]