ស្ងាត់ៗ អែនជី នាំកូនប្រុសស្រី មកលេងទឹកដីកំណើត តែអវត្តមានស្វាមី

ភ្នំពេញ ៖ អតីតពិធីការិនីអ្នកនាង អែនជី បានចាកឆ្ងាយពីសិល្បៈ ក៏ដូចជាមាតុភូមិកំណើត ព្រោះតែត្រូវតាមស្វាមីជាទីស្រលាញ់ ទៅរស់នៅក្រៅប្រទេស ដើម្បីសាងជីវិតគ្រួសារដ៏មានសុភមង្គលមួយ ។

ជាក់ស្ដែង កាលពីពេលថ្មីៗនេះដែរ អតីតពិធីការិនីស្រស់សោភារូបនេះ បាននាំកូនប្រុសស្រីរបស់ខ្លួន មកលេងកម្សាន្ត ក៏ដូចជាមកមើលមុខជំនួញរបស់ខ្លួន ក្នុងទឹកដីកំណើតផងដែរ។

យ៉ាងណាមិញ ចំពោះការមកលេងកម្សាន្តលើកនេះ យើងសង្កេតថា មិនឃើញមានវត្តមានស្វាមីរបស់ ពិធីការិនីពូកែសម្ដី អ្នកនាង អែនជី ចូលរួមដំណើរមកលេងកម្សាន្តជាមួយនាងទេ ដោយមានតែវត្តមានតារាស្រីរូបនេះ និងកូនៗតែប៉ុណ្ណោះ។

ទោះយ៉ាងណាក្ដី វត្តមានរបស់ពិធីការិនីរូបនេះ បានធ្វើឲ្យទស្សនិកជន មានការភ្ញាក់ផ្អើលជាខ្លាំង ហើយក៏មិននឹកស្មានថា ទោះស្ងាត់បាត់មុខពីវិថីសិល្បៈពិតមែន ក៏អ្នកម្ដាយសម័យថ្មីរូបនេះ នៅតែរក្សារូបសម្រស់ បានយ៉ាងស្រស់ស្អាតដដែលថែមទៀតផង ៕ 

• អែនជី ពិធីការិនី
• តារាខ្មែរ