ភ្នំពេញ៖ តារាចម្រៀងដ៏ល្បីឈ្មោះលោកមង្គល ទីណា ហាក់ដូចជាស្ងាត់នៅក្នុងវិស័យសិល្បៈចម្រៀងឈឹង ធ្វើឲ្យអ្នកគាំទ្រតែងតែនឹករលឹកដល់រូបលោកជានិច្ច តាមរយៈការស្តាប់នូវចម្រៀងចាស់ៗរបស់តារារូបនេះ។
តែពេលនេះដែរ តារារូបនេះ កំពុងតែមានសេចក្តីសុខ ជាមួយនឹងគ្រួសារ ក្រោយទទួលបានកូនប្រុសស្រី ដែលមានមុខមាត់ដ៏គួរឲ្យស្រលាញ់ ស្របពេលដែលអ្នកគាំទ្រមួយចំនួនមិនដឹងទាល់តែសោះថា តារារូបនេះមានប្រពន្ធកូនរួចមកហើយ។
ជាក់ស្តែង កាលពីពេលថ្មីៗនេះ តារារូបនេះ ជាមួយនឹងភរិយាបានបញ្ចេញភាពផ្អែមល្ហែមនឹងគ្នានៅលើឆ្នេរសមុទ្រ ក្នុងឱកាសពិធីខួបកំណើតរបស់លោកផ្ទាល់ជាមួយនឹងនំខេកមួយ ដែលពោរពេញដោយភាពរីករាយ មិនត្រឹមតែប៉ុណ្ណោះមើលទៅពិតជាមានសុភមង្គលខ្លាំងមែនទែន។
ស្របពេលជាមួយគ្នានេះដែរ ក្រោយពីបានឃើញរូបភាពដ៏មានសុភមង្គលរបស់តារារូបនេះ បានធ្វើឲ្យអ្នកគាំទ្រជាច្រើនក៏បានជូនពរដល់លោកបន្ថែម ឲ្យកាន់តែមានសុភមង្គលខ្លាំងឡើង នៅក្នុងថ្ងៃពិសេសរបស់តារារូបនេះផងដែរ៕
ចង់ជ្រាបច្បាស់សូមទស្សនារូបភាពខាងក្រោមនេះ៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]