រាជធានីភ្នំពេញ ៖ បុរសចំណាស់ម្នាក់បានលង់ទឹកស្លាប់រកសពមិនឃើញអស់រយៈពេលមួយយប់មកហើយ ពេលដែលគាត់ជិះស្នោក្នុងស្រះទឹក ហើយអង្គុយផឹកស្រា និងច្រៀងលេងបណ្តើរ តែចៃដន្យក្រឡាប់ស្នោបណ្តាលឱ្យលង់ទឹកស្លាប់ ។ ហេតុការណ៍នេះបានកើតឡើងតាំងពីវេលាម៉ោង៥និង៣០នាទីល្ងាចថ្ងៃទី២៨ ខែមិថុនា ឆ្នាំ២០១៨ ស្ថិតនៅស្រះត្រពាំងអង្គ ភូមិច្រេសខាងជើង សង្កាត់គោកឃ្លាង ខណ្ឌសែនសុខ ហើយ រហូតមកដល់វេលាម៉ោង៣រសៀលថ្ងៃទី២៩ ខែមិថុនា ប្រជាពលរដ្ឋ និងសាច់ញាតិរាវរកសពពុំទាន់ឃើញនៅឡើយ ។
ជនរងគ្រោះដែលលង់ទឹកស្លាប់ឈ្មោះអ៊ូ ឡាំ ភេទប្រុស អាយុ៥៤ឆ្នាំ មានលំនៅក្នុងភូមិ កើតហេតុខាងលើ ។
តាមក្រុមគ្រួសារបានឲ្យដឹងថា នៅវេលាល្ងាចថ្ងៃទី២៨ ខែមិថុនា ឆ្នាំ២០១៨ ជនរងគ្រោះបានចុះជិះលើស្នោបណ្តែតទឹក និងផឹកស្រាច្រៀងលេង ។ ដោយសារតែស្រវឹង ចៃដន្យស្នោបានក្រឡាប់ បណ្តាលឱ្យជនរងគ្រោះធ្លាក់ចូលទៅក្នុងទឹក រកសពពុំឃើញ ។ បន្ទាប់ពីគ្រោះថ្នាក់នេះកើតឡើង បងប្អូន និងអ្នកភូមិក៍បាននាំគ្នារាវរកសព ហើយរហូតមកដល់រសៀលថ្ងៃទី២៩ ខែមិថុនា ឆ្នាំ២០១៨ នៅតែមិនឃើញ ។ ទន្ទឹមនឹងនោះ ក្រុមគ្រួសារក៍បានរៀបចំធ្វើរោងនៅក្បែរមាត់ស្រះទឹកនោះត្រៀមធ្វើបុណ្យជាស្រេចផងដែរ ។ បន្ទាប់ពីរាវរកសពពុំឃើញ ក្រុមគ្រួសារក៏បានទន្ទឹងរង់ចាំសពអណ្តែតឡើង ដើម្បីយកទៅធ្វើបុណ្យតាមប្រពៃណី៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
