រាជធានីភ្នំពេញ ៖ រថយន្តម៉ាកកូរ៉ូឡា ពណ៌ស្លាបកំភេម មួយគ្រឿង បានបោះពួយបុកក្បាលរបាំងថ្មពេញទំហឹង បណ្តាលឱ្យបាក់មួយកំណាត់ផ្នែកក្បាល ហើយរថយន្តក្រឡាប់ផ្ងារកង់ខ្ទាតប្រមាណ៥០ម៉ែត្រ ត្រូវម៉ូតូធុន C100 កូរ៉េមួយគ្រឿងទៀតបណ្តាលឱ្យមនុស្សដួលរដូករណែលមើលទៅគួរឱ្យ ព្រឺ ។
គ្រោះថ្នាក់ចរាចរណ៍នេះបានកើតឡើងកាលពីវេលា ម៉ោង១១និង៥០នាទីយប់ថ្ងៃទី១៣ មីនា នៅតាមវិថីម៉ៅសេទុង កែងផ្លូវលេខ២៣០ ត្រង់ចំណុចស្តុបម៉ុងឌីយ៉ាល់ ក្នុងសង្កាត់បឹងសាឡាង ខណ្ឌទួលគោក ។ នៅក្នុងហេតុការណ៍នេះ បណ្តាលឱ្យមនុស្សរងរបួស៤នាក់ដោយអ្នកជិះម៉ូតូរងរបួស២នាក់ និងអ្នកជិះរថយន្តរងរបួស២នាក់ ។ រថយន្តដែលបើកបុករបាំងថ្មបើកបរដោយឈ្មោះប៊ុន ហាក់ ភេទប្រុស អាយុ២៦ឆ្នាំ ជាមន្ត្រីកងរាជអាវុធហត្ថចល័តមានលំនៅក្រុមទី ១១ ភូមិទី៣ សង្កាត់លេខ៤ ខណ្ឌមិត្តភាព ក្រុងព្រះសីហនុ បានរងរបួសក្បាលធ្ងន់ធ្ងន់ត្រូវរថយន្តសង្គ្រោះបញ្ជូនទៅកាន់ គ្លីនិកគឹមសុង ។ តាមសាក្សីនៅកន្លែងកើតហេតុបានឱ្យដឹងថា មុនពេលកើតហេតុរថយន្តម៉ាកកូរ៉ូឡា ពណ៌ស្លាបកំភេម ជិះគ្នា២នាក់បើកបរដោយមន្ត្រីកងរាជអាវុធហត្ថធ្វើដំណើរ តាមវិថីម៉ៅសេទុងពីជើងទៅត្បូង ក្នុងល្បឿនលឿន។ ខណៈមកដល់ស្តុបម៉ុងឌីយ៉ាល់ កែងផ្លូវលេខ២៣០ ស្រាប់តែទៅបុកក្បាលរបាំងថ្មពេញទំហឹង លាន់ឮដូចរន្ទះ ហើយរថយន្តក្រឡាប់តែម្តង ។
តាមសាក្សីបន្តទៀតថា ពេលរថយន្តបុកក្បាលរបាំងថ្មបាក់មួយកំណាត់ ហើយបានក្រឡាប់ទៅខាងស្តាំ ខ្ទាតប្រមាណ៥០ម៉ែត្រ ក៏ត្រូវម៉ូតូធុន C100 កូរ៉េ ពណ៌ក្រហម បណ្តាលឱ្យអ្នកជិះ២នាក់រងរបួស និងអ្នកជិះក្នុងរថយន្ត២នាក់បានរងរបួសផងដែរ ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
