ភ្នំពេញ៖ មួយរយៈចុងក្រោយនេះ មានតារាស្រីប្រុសល្បីៗជាច្រើនរូប សម្រុកនាំគ្នាបង្កើតរបរថ្មីៗបន្ថែមពីលើអាជីពដែលខ្លួនកំពុងធ្វើរាល់ថ្ងៃ ។ ហើយអ្វីដែលគួរឲ្យកត់សម្គាល់ ភាគច្រើននៃតារាទាំងនោះ តែងយកសម្លៀកមួយទឹករបស់ខ្លួនមកដាក់លក់ឡៃឡុង និងមានអ្នកខ្លះទៀត បានលក់ផលិតផលថែរក្សាសម្រស់ ទៅតាមចំណូលចិត្តរៀងៗខ្លូន។
តែមានរឿងមួយ ដែលមិននឹកស្មានដល់នោះគឺ សូម្បីតែតារាសម្ដែងចាស់វស្សាអ្នកនាង លី ម៉ារីណា ក៏ឆ្លៀតបន្ថែមមុខជំនួញថ្មីមួយទៀតដែរ គ្រាន់តែរបរនោះ ហាក់មានភាពខុសប្លែកខ្លាំងមែនទែន ពីតារាស្រីៗដទៃតែប៉ុណ្ណោះ។ ដោយអ្នកនាង បែរជាសម្រេចចិត្តប្រកាសលក់កង់គ្រប់ម៉ូត គ្រប់ម៉ាក រួមទាំងឧបករណ៍ហាត់ប្រាណ ដែលនាំចូលពីអាមេរិកទៅវិញ។
នេះជារឿងគួរឲ្យភ្ញាក់ផ្អើលខ្លាំងសម្រាប់ប្រិយមិត្ត ទស្សនិកជន ព្រោះកន្លងមកកម្រមានតារាស្រីណា បែកគំនិតលក់កង់បែបនេះណាស់។ យ៉ាងណាមិញចំពោះអាជីវកម្មថ្មីរបស់អ្នកនាង គ្រប់គ្នារំពឹងថា មុខជាទទួលបានការគាំទ្រខ្លាំងជាក់ជាមិនខាន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]