ខេត្តស្ទឹងត្រែង ៖ បុរសកូនពីរមានដំបូលផ្ទះជិតគ្នាបានស្ទុះទៅចាប់អោបរឹត នារីម្នាក់ពីក្រោយទាញទៅរកគុម្ពោតព្រៃប៉ុនប៉ងចាប់រំលោភសេព សន្ថវៈនៅគ្រាដែលនាងកំពុងអង្គុយបត់ជើងតូចក្រោយផ្ទះ តែសំណាងល្អដោយសារនាងស្រែកហើយត្រូវបានសាច់ញាតិមកជួយទាន់។
ហេតុការណ៍បុរសកូនពីរឆ្លៀតឱកាសប៉ងរំលោភបាន កើតឡើងកាលពីយប់ថ្ងៃទី១១ មីនា ២០១២ នាវេលាម៉ោងប្រមាណជា១១យប់ នៅចំណុចក្រោយផ្ទះនាងរងគ្រោះឃុំសាមឃួយ ស្រុកសេសាន ។ ស្ត្រីរងគ្រោះបានប្រាប់ឱ្យដឹងថា នាងឈ្មោះ ផ.ស អាយុ១៨ឆ្នាំ រស់នៅក្នុងបន្ទុកឪពុកម្តាយ ។ ចំណែកបុរសកូនពីរនោះឈ្មោះនឿ លឿង អាយុប្រហែល៣០ឆ្នាំ មានប្រពន្ធកូនពីរនាក់ ផ្ទះនាង និងបុរសនោះនៅជិតគ្នាក្នុងភូមិ-ឃុំកើតហេតុខាងលើ ។
នាងបានបន្តឱ្យដឹងទៀតថា មុនពេលកើតហេតុនាងបានទៅចូលរួមពិធីរាំរែកមង្គលការរបស់អ្នក ភូមិនៅខាងមុខផ្ទះរបស់នាង ។ ក្រោយមកនាងក៏បានដើរចេញពីវង់រាំឆ្ពោះមកផ្ទះបត់ជើងតូច ខណៈនាងកំពុងអង្គុយបត់ជើងតូចនៅក្រោយផ្ទះ ស្រាប់តែនឿ លឿង បានស្ទុះមកអោបរឹតនាងជាប់ពីក្រោយ ។ នៅគ្រានោះនាងបានខំប្រឹងរើបំរះ ហើយស្រែកឱ្យគេជួយកុំតែបានបងស្រីនៅផ្ទះជាប់គ្នាជួយទាន់ ម៉្លេះ សមព្រហ្មចារីរបស់នាងត្រូវបុរសនោះឆក់យកទៅបាត់ទាំងកំរោលមិន ខានឡើយ ។
លុះព្រឹកឡើងថ្ងៃទី១២ មីនា នាង និងក្រុមគ្រួសារបានរាយការណ៍រឿងនេះឱ្យនគរបាលប៉ុស្តិ៍រដ្ឋបាល ឃុំសាមឃួយបានដឹង និងឃាត់ខ្លួនជនដៃដល់ដើម្បីដោះស្រាយ ។ ដោយសារមានការយោគយល់មិនចង់បន្តរឿងនេះឱ្យវែងឆ្ងាយ និងទុកមុខមើលគ្នានៅថ្ងៃក្រោយ រូបនាងក៏ដូចជាក្រុមគ្រួសារ (ឪពុកម្តាយ) របស់នាង សំណូមពរឱ្យអធការដ្ឋាននគរបាលស្រុកសេសាន ជួយបញ្ចប់បញ្ហាដោយទទួលបានសំណងជាទឹកប្រាក់ពីភាគីខាងបុរសកូន ពីរចំនួន១លានរៀល ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
