ធ្លាប់តែឃើញពិធីករទាំងនេះ ប៉ះគ្នានិយាយបែកផ្សែង ដល់ពេលមកច្រៀងវិញ ចង់ផ្អើលឆាក(មានវីដេអូ)

ភ្នំពេញ៖ ពិធីការិនី និងពិធីករដ៏មានឈ្មោះ ល្បីប្រចាំផលិតកម្មហង្សមាស ប៉ុន្មានរូប កំពុងតែមានសន្ទុះប្រជាប្រិយភាព តាមរយៈការគាំទ្រទស្សនាការប្រគុំតន្រ្តីនានាជាច្រើន មិនត្រឹមតែប៉ុណ្ណោះ ពួកគេតែងតែ លេចមុខនៅក្នុងកម្មវិធីជាច្រើន ជាពិសេសជាកម្មវិធីលំដាប់ថ្នាក់អន្តរជាតិតែម្តង។

យ៉ាងណាមិញ ប្រិយមិត្តជាច្រើនប្រាកដជាបានដឹងហើយថាពិធីការិនី និងពិធីករ លោកជា វិបុល អ្នកនាង ចាន់ កែវនិមល កញ្ញាថន លក្ខិណា និងលោកញ៉ែម សុគន្ធ មានសមត្ថភាព នៅក្នុងការនិយាយជាពិធីករបែបនេះរាប់ឆ្នាំមកហើយ។

តែពេលនេះគឺកាន់តែប្លែកតែម្តង ព្រោះឃើញពិធីករទាំង៤នេះប៉ះគ្នានៅលើឆាក បញ្ចេញសំនៀងច្រៀងដ៏ពីរោះ នៅក្នុងបទផ្សេងៗគ្នា ធ្វើឲ្យអ្នកគាំទ្រដែលទស្សនានៅទីនោះពិតជាមានការភ្ញាក់ផ្អើលខ្លាំង ដោយមិននឹកស្មានថាពួកគេ ក៏មានសម្លេងពីរោះមិនចាញ់តារាចម្រៀងនោះដែរ។

មិនត្រឹមតែប៉ុណ្ណោះនោះទេ ពិធីការិនី និងពិធីករពូកែសម្តីលេងសើចទាំងនេះ បានធ្វើបង្កឲ្យមានភាពសប្បាយរីករាយ នៅពេលច្រៀងផងដែរ ធ្វើឲ្យអ្នកគាំទ្រអស់សំណើចមិនស្ទើរទេ៕

ចង់ជ្រាបកាន់តែច្បាស់នោះសូមទស្សនាវីដេអូខាងក្រោមនេះ៖ 

• ញ៉ែម សុគន្ធ
• ថន លក្ខិណា
• ជា វិបុល
• កែវ ចាន់និមល
• វីដេអូ
• តារាខ្មែរ