Hazard កំពុងពិចារណាទៅលេងឲ្យ Real រដូវកាលក្រោយ

អង់គ្លេស៖ កីឡាករ Eden Hazard ចង់ទៅលេងក្រុម Real Madrid ក្នុងរដូវកាលក្រោយ ក្រោយពីអនាគតរបស់ក្លិប Chelsea នៅស្រពេចស្រពិលនៅឡើយ។

បើយោងតាមបទសម្ភាសមួយ ខ្សែបម្រើសញ្ជាតិប៊ែលហ្ស៊ិករូបនេះបាននិយាយថា ក្រុម Real Madrid បានទំនាក់ទំនងមកភ្នាក់ងារផ្ទាល់ខ្លួនរបស់លោក ប៉ុន្តែអ្វីៗនៅមិនទាន់បានផ្លែផ្កានៅឡើយទេ ដោយសារនៅមានរឿងខ្លះ មិនទាន់អាចសម្រេចបាន។ 

កីឡាករវ័យ២៧ឆ្នាំរូបនេះបានបន្តថា លោកកំពុងតែពិចារណាអនាគតរបស់ខ្លួន ហើយលោកត្រូវតែរង់ចាំមើលអនាគតរបស់ Chelsea សិនដែរ ដោយសារពេលនេះវាស្រពេចស្រពិលខ្លាំងណាស់ ដូច្នេះលោកមិនទាន់អាចសម្រេចចិត្តឲ្យបានដាច់ស្រេចនោះទេ។

គួរឲ្យដឹងថា បើយោងតាមរបាយការណ៍មួយបានបង្ហើបថា ក្រុម Real Madrid បានកំពុងរៀបចំនាំយកខ្សែបម្រើប្រយុទ្ធរបស់ក្រុម Chelsea រូបនេះមកកាន់ទឹកដី Santiago Bernabeu ក្រោយពីពួកគេមិនអាចដេញតាមប្រម៉ាញ់កីឡាករ Neymar បន្តទៀត ដោយសារតម្លៃខ្ពស់ពេក៕