រាជធានីភ្នំពេញ ៖ ស្ត្រីម្នាក់ស្លាប់យ៉ាងអាណោចអាធម៌ក្រោមកំណក់ទឹកភ្លៀង ហើយបុរសជាប្តីរងរបួសស្រាល ខណៈពេលជិះម៉ូតូម៉ាកវីវ៉ាមួយគ្រឿងឌុបគ្នាទៅលេងស្រុកកំណើត ហើយទាក់ដៃចង្កូតជាមួយម៉ូតូកង់បីដួលស្របពេលនោះរថយន្តក្រុងបើកពីក្រោយជាន់ហ្វ្រាំងមិនទាន់កិនស្លាប់ និងរបួសតែម្តង ។ គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៥និង១៥នាទីល្ងាចថ្ងៃទី២៣ ខែមិថុនា ឆ្នាំ២០១៨ នៅលើស្ពានជ្រោយចង្វារ សង្កាត់ជ្រោយចង្វារ ខណ្ឌជ្រោយចង្វារ ។
ស្ត្រីរងគ្រោះឈ្មោះ ម៉ៃ ស្រីពៅ អាយុ២៧ឆ្នាំ មុខរបរកម្មការិនីរោងចក្រ ស្នាក់នៅផ្ទះជួលក្បែរផ្សារពោធិចិនតុង ភូមិប៉ប្រ៉កជើង សង្កាត់កាកាប១ ខណ្ឌពោធិសែនជ័យ មានស្រុកកំណើត ស្រុកពារាំង ខេត្តព្រៃវែង ។ ចំណែកប្តីដែលជាអ្នកឌុបពុំស្គាល់ឈ្មោះឡើយ ជិះម៉ូតូមួយគ្រឿងម៉ាកវីវ៉ា ពណ៌ខ្មៅ ពាក់ស្លាកលេខកណ្តាល 1B-8124 មួយគ្រឿង ។ ចំណែករថយន្តក្រុងពណ៌ខៀវ លាយស ។
រីសពត្រូវសមត្ថកិច្ចពិនិត្យប្រគល់ឲ្យក្រុមគ្រួសារដឹកយកទៅធ្វើបុណ្យតាមប្រពៃណីនៅស្រុកកំណើត ។ ចំណែករថយន្ត និងម៉ូតូសមត្ថកិច្ចជំនាញយកទៅរក្សាទុកនៅការិយាល័យចរាចរណ៍ជើងគោកនៃស្នងការនគរបាលរាជធានីភ្នំពេញ ដើម្បីដោះស្រាយ ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]