ក្ដុកក្ដួលណាស់ ពេលដឹងថា ពេជ្រ ថៃ ផ្ទេរទៅរស់នៅស្រុកកំណើតវិញ ព្រោះតែ...

ភ្នំពេញ៖  ម្ចាស់ពាន The Voice Kids រដូវកាលទី១ប្អូនប្រុស ពេជ្រ ថៃ កំពុងសាងស្នាដៃតាមរយៈសមត្ថភាពច្រៀង និងជាពិសេសការសម្ដែងបានយ៉ាងប៉ិនប្រសប់  ជាហេតុធ្វើឲ្យប្រិយមិត្តទប់សំណើចមិនជាប់ រាល់ពេលបានទស្សនាម្ដងៗ។

ដោយឡែក មួយរយៈចុងក្រោយនេះគេសង្កេតឃើញថា វត្តមានប្អូនដូចមិនសូវចេញសម្ដែងច្រើនដូចមុនឡើយ។ រីឯការសិក្សាវិញ ក៏ស្ងប់ស្ងាត់មិនឃើញមករៀននៅសាលាទៀតដែរ។

ជាក់ស្ដែងគ្រាន់តែមានឱកាសជួបជាមួយ តារារះថ្មីដែលមានដើមកំណើតពីខេត្តបាត់ដំបងរូបនេះភ្លាម លោក មាស រិទ្ធី ក៏ឆ្លៀតសាកសួរពីបញ្ហានេះ និងទទួលបានចម្លើយពីរគួរឲ្យខ្លោចចិត្តខ្លាំងតែម្ដង។ ដោយក្នុងនោះលោក បានបង្ហោះជាសារថា៖ 

« ជួបពេជ្រ ថៃ និងម្តាយឪពុករបស់គេនៅអីុអន២ត្រៀមខ្លួនសម្តែងយប់នេះ...ខ្ញុំសួរគាត់រឿងរ៉ាវរៀនសូត្រ។ ឥឡូវថៃទៅ រៀននៅបាត់ដំបងដោយសារជីដូនឈឺ ហើយជីដូនប្រាប់ថា បើចៅទៅច្រៀងចប់ហើយ ត្រូវត្រឡប់ទៅបាត់ដំបងវិញ» ។

ទង្វើនេះបង្ហាញច្បាស់ណាស់ថា ពេជ្រ ថៃ ពិតជាស្រលាញ់ជីដូនខ្លាំងណាស់ គ្រាន់តែឮលោកយាយឈឺភ្លាម ប្អូនសុខចិត្តត្រឡប់ទៅរស់នៅស្រុកកំណើតវិញភ្លែត ហើយថែមទាំងសម្រេចចិត្តផ្ទេរការសិក្សាទៅខេត្តយ៉ាងតក់ក្រហល់ទៀតផង ។ 

គួររម្លឹកដែរថា ពេជ្រ ថៃ ធ្លាប់បានចូលរៀននៅសាលាទួលស្វាយព្រៃ ដែលជាសាលារដ្ឋក្នុងរាជធានីភ្នំពេញ តែបច្ចុប្បន្នប្អូនត្រូវទៅរៀននៅស្រុកកំណើតខេត្តបាត់ដំបងវិញ ក្រោមហេតុផលលោកយាយជរា ឈឺ ៕

• ពេជ្រ ថៃ
• តារាខ្មែរ