អុីរ៉ង់៖ ស្ត្រីដែលមានសញ្ជាតិអុីរ៉ង់ទាំងអស់ អាចចូលមើលការប្រកួតបាល់ទាត់ពិភពលោករបស់ក្រុមជម្រើសជាតិរបស់ខ្លួនបានវិញហើយ ក្រោយពីរង់ចាំអស់រយៈពេល ៣៧ ឆ្នាំកន្លងទៅ។
ថ្វីបើអុីរ៉ង់ចាញ់អេស្ប៉ាញក្នុងលទ្ធផល ១-០ ក៏ពិតមែន ប៉ុន្តែនេះជាជ័យជម្នះដ៏ធំមួយសម្រាប់ស្ត្រីដែលមានដើមកំណើតជាជនជាតិអុីរ៉ង់ទាំងអស់ ពីព្រោះនេះជាលើកដំបូងហើយដែលប្រទេសកាន់សាសនាមូស្លីមមួយនេះ អនុញ្ញាតឲ្យមនុស្សស្រី អាចចូលកីឡដ្ឋានបាល់ទាត់ ដើម្បីមើលការប្រកួតបាល់ទាត់ពិភពលោក ក្រោយពីត្រូវបានហាមឃាត់រយៈពេល ៣៧ឆ្នាំចុងក្រោយមកនេះ។
កាលពីមុនបើតាមច្បាប់របស់ប្រទេសអុីរ៉ង់ គឺមិនអនុញ្ញាតឲ្យស្រ្តីដែលកាន់សាសនាមូស្លីមទាំងអស់ចូលមើលការប្រកួតនានារបស់បុរសឡើយ បើស្ត្រីណាហ៊ានតែស្មើសនឹងច្បាប់នេះ ពួកគេអាចប្រឈមមុខទៅនឹងការចាប់ខ្លួន ឬ ពិន័យជាប្រាក់ និងអាច ដាក់ពន្ធនាគារទៀតផង បើសិនជាគេសុើបដឹងថាមានអ្នកល្មើសនឹងច្បាប់នេះ។
ទោះយ៉ាងណា រូបភាពពីកីឡដ្ឋានក្នុងប្រទេសអ៊ីរ៉ង់ បង្ហាញថាស្ត្រីជនជាតិអុីរ៉ង់ហាក់រីករាយជាខ្លាំងនឹងសិទ្ធិសេរីភាពថ្មី ហើយពួកគេបានថតរូប Selfie ដោយលើកបង្ហាញទង់ជាតិអុីរ៉ង់ និង ផ្លុំត្រែជាសម្លេងដើម្បីអបអរដល់ក្រុមជម្រើសជាតិរបស់ពួកគេ។
គួរបញ្ជាក់ផងដែរថា បើយោងតាម SBS News ក្រុមប្រឹក្សាទីក្រុងតេអេរ៉ង់ បានសម្រេចអនុម័តច្បាប់ដោយអនុញ្ញាតឲ្យស្រ្តីអាចចូលមើលការប្រកួតបាល់ទាត់ដែលមានផ្ទាំងផ្សាយបន្តផ្ទាល់ (Live Screening) នៅក្នុងកីឡដ្ឋាន Azadi និង Takhti ស្ថិតនៅទីក្រុងតេអេរ៉ង់ និង ក្រុង Mashhad បាន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]