បរទេស៖ ដូចដែលប្រិយមិត្តបានដឹងរួចហើយថា កាលពីប៉ុន្មានថ្ងៃមុននេះ តារារ៉េបវ័យ ១៥ឆ្នាំ Danielle Bregoli ទើបតែព្រមានអ្នកម្តាយវ័យក្មេង Kylie ថា បើពេលនាងអាយុគ្រប់ ១៨ឆ្នាំ កាលណា នាងនឹងឆក់យក លោក Travis ពី Kylie ពេលនោះ។
ដោយកាលពីម្សិលមិញនេះ នាង Danielle បានចេញមុខមកទៀតហើយ និងថាឲ្យ អ្នកម្តាយវ័យក្មេង Kylie យ៉ាងចាស់ដៃពេលចូលរួមកម្មវិធីបង្ហាញម៉ូតជាមួយស្វាមីនាង នាប្រទេសបារាំងថា «មុខនាងដូចចាបលឿងដែលទើបក្រោកពីគេងអីចឹង»។
យោងតាមការស្រង់សម្តីពីប្រភពជិតដិតមួយបានបង្ហើបថា៖ «Danielle គិតថាខ្លួននាងផ្ទាល់មានភាពសាកសមបណ្តើរគ្នាជាមួយនឹង Travis ក្នុងកម្មវិធីបង្ហាញម៉ូតជាងនាង Kylie ហើយរូបនាងក៏គិតថា នាងទើបសមជានិមិត្តរូបនៃ Fashion ជាង»។
គួររម្លឹកថា តារារ៉េប «Cash Me Outside» ម្នាក់នេះ បានប្រកាសយ៉ាងច្បាស់លាស់ថា នាងមិនបោះបង់លោក Travis ចោលនោះទេ នាងនឹងរង់ចាំឲ្យដល់ថ្ងៃដែលនាងមានអាយុគ្រប់ ១៨ឆ្នាំ ហើយនេះក៏ដូចជា ការដែលនាងបានប្រកាសសង្គ្រាមជាមួយ Kylie ដូចគ្នាដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
