ខេត្តកំពង់ធំ ៖ បុរសម្នាក់បានចង.កសម្លាប់ខ្លួន ដោយសារតែបែកធ្លាយរឿងស្រឡាញ់កូនប្រសាប្រុស លុះដល់ប្រពន្ធរករឿងប្តឹងសុំលែងលះ ក៏សម្រេចបញ្ចប់ជីវិតបែបនេះ និងបានបង្កឱ្យមានការភ្ញាក់ផ្អើល កាលពីរសៀលថ្ងៃទី២១ មិថុនា នៅភូមិសំព័រ ឃុំចំណារក្រោម ស្រុកស្ទោង ។ លោកវរសេនីយ៍ត្រី វ៉ន សុភ័ណ អធិ ការរងនគរបាលស្រុកស្ទោងទទួលផ្នែកព្រហ្មទណ្ឌ បានឲ្យកោះសន្តិភាពដឹងថា បុរសដែលធ្វើអត្តឃាតដោយចងកនេះ ឈ្មោះ ហៃ ណេន អាយុ៤៩ឆ្នាំ ជាកសិករ រស់នៅភូមិ ឃុំ ខាងលើ ។ បើយោងតាមប្រពន្ធឈ្មោះ ជាំ ធា ឱ្យដឹងថា មុនពេលកើតហេតុ៣ថ្ងៃ កូនប្រសាប្រុសរបស់គាត់ឈ្មោះ យឹម លាង អាយុ២១ឆ្នាំ ក្រោយពីរៀបការរួចបានមួយរយៈ ក៏បានមកដេកលេងនៅផ្ទះគាត់ ហើយប្តីគាត់ ក៏មកដេកជាមួយកូន ប្រសាជារៀងរាល់យប់ ។ នៅពេលដេកយប់ម្តងៗ ប្តីគាត់តែងតែលេងប្រដាប់ភេទកូនប្រសា ដែលជាហេតុធ្វើឲ្យកូនប្រសាខឹង ងើបរត់ចេញ ហើយដឹងដល់គាត់ជាប្រពន្ធ ។
ស្ត្រីជាប្រពន្ធរៀបរាប់ទៀតថា ប្តីគាត់ជាមនុស្សស្រឡាញ់ភេទដូចគ្នា តែ«ស៊ីម២»។ ដោយសារតែឪពុកក្មេកលូកលាន់កូនប្រសាប្រុសបែបនេះ ក៏បណ្តាលឱ្យពួកគាត់ជាប្តីប្រពន្ធឈ្លោះប្រកែកគ្នា ហើយមកដល់ព្រឹកថ្ងៃទី២១ មិថុនា គាត់ក៏បានទាស់សម្តីគ្នាជាមួយប្តីម្តងទៀត ។ ពេលនោះ ប្តីគាត់បានរករឿងដេញវាយកាប់គាត់ ហើយគាត់ ក៏ទៅប្តឹងមេភូមិឱ្យហៅប្តីទៅធ្វើការអប់រំ និងសុំលែងលះគ្នា ព្រោះតែខឹងប្តីដែលស្រឡាញ់
ភេទដូចគ្នា ។ ស្ត្រីជាប្រពន្ធឲ្យដឹងទៀតថា ប៉ុន្តែទោះបីមេភូមិហៅប្តីគាត់ទៅអប់រំក្តី ក៏នៅតែមិនត្រូវរ៉ូវគ្នា ហើយប្តីគាត់ក៏ត្រឡប់មកផ្ទះមុន ឯរូបគាត់នៅផ្ទះមេភូមិនិយាយគ្នាមិនទាន់ចប់ ។ លុះដល់វេលារសៀលបន្តិច ស្រាប់តែប្អូនថ្លៃមកប្រាប់គាត់ថា ឃើញប្តីគាត់ចងកសម្លាប់ខ្លួនទៅនឹងដើមអាកាស្យាមុខផ្ទះស្លាប់បាត់ទៅហើយ ។
ក្រោយពីទទូលបានព័ត៌មាននេះ កម្លាំងនគរបាលប៉ុស្តិ៍ និងអាជ្ញាធរភូមិ បានចុះទៅដល់ធ្វើការពិនិត្យសពបង្ហាញថា ពិតជាស្លាប់ដោយចងកប្រាកដមែន ។ មួលហេតុគឺដោយសារខឹងប្រពន្ធ ប្តឹងមេភូមិ រឿងខ្លួនឯងរករឿងវាយតប់ប្រពន្ធ និងប្រពន្ធសុំលែង ព្រោះតែរឿងស្រឡាញ់កូនប្រសាប្រុសគឺស្រឡាញ់ភេទដូចគ្នា ។ ក្រោយពីពិនិត្យរួច ក៏បានប្រគល់សពឲ្យក្រុមគ្រួសារដើម្បីរៀបចំធ្វើបុណ្យតាមប្រពៃណី ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]