ថៃ៖ ថ្មីៗនេះតារាសម្តែងប្រុសរូបសង្ហាកូនកាត់ចិនលោក James Ma កំពុងតែបានទទួលនូវការចាប់អារម្មណ៍យ៉ាងខ្លាំងមែនទែន ពីសំណាក់អ្នកគាំទ្រ ក៏ដូចជាមហាជនទូទៅផងដែរ ក្រោយពីបានដឹងការពិតតារាប្រុសរូបនេះ គឺជាទាយាទមហាសេដ្ឋីប្រាក់ពាន់លានដែលរស់នៅលាក់ឈ្មោះលាក់ត្រកូល។
ជាការពិតណាស់ ពេលនេះ រឿងសមាសភាពពិតរបស់ James Ma កំពុងតែធ្វើឱ្យកក្រើកនៅក្នុងប្រទេសថៃ ដោយមានមនុស្សជាច្រើន ពិតជាចង់ដឹងពីជីវិតពិតរបស់លោកយ៉ាងខ្លាំង។ ជាក់ស្តែង នៅថ្ងៃនេះព័ត៌មាននៅក្នុងស្រុក ក៏បានផ្ទុះកក្រើកជាថ្មី ជាមួយនឹងការបើកបង្ហាញ នៅកន្លែងធ្វើអាជីវកម្មខាង «ឧស្សាហកម្មអចលនទ្រព្យ» ដ៏ធំរបស់គ្រួសារមហាសេដ្ឋី James Ma។
ដោយនៅក្នុងនោះគេបានដឹងថា គ្រួសារ James Ma កំពុងតែកាន់កាប់នូវជំនួញមួយដ៏ធំនៅក្នុងក្រុមហ៊ុនរកស៊ី អចលនទ្រព្យមួយដ៏ល្បីល្បាញដែលមានឈ្មោះថា Gemopolis មានទីតាំងដ៏ធំទូលាយ និងទំនើបខ្លាំងនៅចំណោមក្រុមហ៊ុនរកស៊ីដទៃទៀតក្នុងប្រទេសថៃ។
គួរឱ្យដឹងដែរថាគ្រាន់តែឃើញក្រុមហ៊ុនធ្វើជំនួញរបស់គ្រួសារ James Ma ធ្វើឱ្យអ្នកគាំទ្រមានភាពភ្ញាក់ផ្អើលខ្លាំង។ មិននឹកស្មានថាមានក្រុមហ៊ុនធំដល់ថ្នាក់នេះហើយ ប៉ុន្តែ James Ma បែរជាជ្រើសយកជីវិតធ្វើជាតារា រស់នៅតែម្នាក់ឯងបែកពីគ្រួសារអស់រយៈពេល ៥ ឆ្នាំកន្លងមកនេះ ដោយរកលុយចិញ្ចឹមខ្លួនឯងមិនពឹងលុយគ្រួសារថែមទៀត៕
ទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
