Poh Natthawut នាំប្រពន្ធថតរូបស៊ីអារម្មណ៍ ខណៈកូនៗ ធំៗអស់ហើយ

ថៃ៖ តារាសម្តែងប្រុសល្បីឈ្មោះ Poh Natthawut ថ្វីត្បិតតែបច្ចុប្បន្ននេះ មានអាយុកាន់តែច្រើនបន្តិចមែន ប៉ុន្តែកេរ្តិ៍ឈ្មោះរបស់លោក នៅក្នុងសង្គមសិល្បៈនៅតែមានភាពល្បីល្បាញដដែលមិនងាយនឹងស្រកចុះសោះ។

ហើយបច្ចុប្បន្ននេះ លោក Poh Natthawut ក៏មានភរិយា និងកូនចំនួនពីរនាក់នៅក្នុងបន្ទុករួចមកហើយផងដែរ ដោយកំពុងតែរស់នៅជាមួយគ្នាពោរពេញទៅដោយសុភមង្គលយ៉ាងខ្លាំង។

ទន្ទឹមនឹងនេះ ជារឿយៗតារាសម្តែងប្រុសរូបនេះ ក៏តែងតែបានបង្ហាញនូវភាពផ្អែមល្ហែមរបស់ខ្លួន និងក្រុមគ្រួសារលើអ៊ីនស្តារក្រាមជានិច្ច ធ្វើឱ្យអ្នកគាំទ្រលួចច្រណែនមិនតិចនាក់នោះទេ ចំពោះជីវិតគ្រួសារដ៏កក់ក្តៅមួយនេះ។

ហើយកាលពីប៉ុន្មានថ្ងៃមុន តារាសម្តែងលោក Poh Natthawut ក៏ស្រាប់តែបានបញ្ចេញនូវរូបភាពគូជាមួយនឹងភរិយារបស់ខ្លួន យ៉ាងស៊ីអារម្មណ៍ផងដែរបង្ហោះនៅលើអ៊ីនស្តារក្រាម បណ្តាលឱ្យអ្នកគាំទ្រទាំងអស់ពិតជាមានភាពភ្ញាក់ផ្អើលខ្លាំង ព្រោះមិនធ្លាប់ឃើញលោកថតរូបបែបនេះជាមួយភរិយាកាលពីមុនមក។ 

ហើយក៏មានអ្នកខ្លះទៀត លួចចំអន់លោក Poh Natthawut និងភរិយាលេងថាថតរូបស្វីតៗមិនអៀនកូន និងអ្នកនៅលីវសោះ៕

ទស្សនារូបភាពខាងក្រោមដូចតទៅ៖  

• គ្រួសារ
• តារាថៃ