ខេត្តបន្ទាយមានជ័យ ៖ នគរបាលស្រុកម៉ាឡៃ បានចាប់ឃាត់ខ្លួនបុរសម្នាក់ដែលផឹកស៊ីស្រវឹងប្រើហិង្សាវាយអ្នកភូមិជា មួយគ្នា បណ្តាលឲ្យរបួសបែកក្បាល កាលពីវេលាម៉ោង ៤រសៀលថ្ងៃទី១២ មីនា ២០១២ នៅភូមិសន្តិភាព ឃុំទួលពង្រ ស្រុកម៉ាឡៃ ។
លោកវរសេនីយ៍ត្រីសៅ ប៊ុន អធិការនគរបាលស្រុកម៉ាឡៃ បានឲ្យដឹងថា បុរសដៃដល់ដែលត្រូវនគរបាលចាប់ឃាត់ខ្លួនឈ្មោះហឿង លាភ អាយុ៥២ឆ្នាំ រស់នៅភូមិ-ឃុំកើតហេតុត្រូវបានឈ្មោះម៉ៅ សារ៉ុប ភេទប្រុស អាយុ៥៧ឆ្នាំ រស់នៅភូមិជាមួយគ្នាប្តឹងចោទថា បានយកកែវ វាយសំពងក្បាលរបស់គាត់ បណ្តាលឲ្យបែកឈាមហូររហាម ខណៈកំពុងអង្គុយផឹកស្រាជុំគ្នា។ ក្រោយពីទទួលបានបណ្តឹងនេះ កម្លាំងនគរបាលប៉ុស្តិ៍ទួលពង្រ បានចុះទៅចាប់ឃាត់ខ្លួនជនដៃដល់យកមកអធិការដ្ឋាន ដើម្បីធ្វើការសួរនាំ ។ នៅចំពោះមុខនគរបាលបុរសដៃដល់បានសារភាពថា ខ្លួនពិតជាបានវាយក្បាលឈ្មោះម៉ៅ សារ៉ុប ប្រាកដមែន ព្រោះតែផឹកស្រាស្រវឹង និងមានទំនាស់សម្ដីគ្នា ពេលដែលកំពុងផឹកស៊ី។
លោកវរសេនីយ៍ទោជូរ ផារិន នាយការិយាល័យនគរបាលព្រហ្មទណ្ឌកម្រិតស្រាល បានបញ្ជាក់ឲ្យដឹងថា ជនដៃដល់ត្រូវកម្លាំងជំនាញរបស់លោកកំពុងរៀបចំសំណុំរឿងបញ្ជូនទៅ សាលាដំបូងខេត្ត ដើម្បីចាត់ការតាមផ្លូវច្បាប់ផងដែរ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
