អ៊ុយរ៉ាហ្គាយ ឆ្លងទៅវគ្គបន្ទាប់ ក្រោយឈ្នះអារ៉ាប់ប៊ីសាអូឌីត យ់បមិញ (មានវីដេអូ)

រុស្ស៊ី៖ ក្រុមជម្រើសជាតិអ៊ុយរ៉ាហ្គាយ បានយកឈ្នះក្រុមជម្រើសជាតិអារ៉ាប៊ីសាអូឌីត ដោយលទ្ធផល ១-០ ឆ្លងទៅកាន់វគ្គ១៦ក្រុមចុងក្រោយនៃពានរង្វាន់ពិភពលោក។

១គ្រាប់របស់ក្រុមមកពីទ្វីបអាមេរិកខាងត្បូង ធើ្វបានដោយខែ្សប្រយុទ្ធរបស់ក្រុម Barcelona កីឡាករ Luis Suarez នាទី២៣ ខណៈមិនមានគ្រាប់បាល់អ្វីកើតឡើងទៀតឡើយក្នុងការប្រកួតនោះ។ ១គ្រាប់ជ័យជម្នះដែលរកបានដោយអតីតសមាជិកក្រុម Liverpool នេះដែរ គឺជាការរកគ្រាប់បាល់ក្នុងការបង្ហាញខ្លួនចំនួន ១០០ប្រកួតឲ្យក្រុមជម្រើសជាតិរបស់គេផងដែរ។

ចប់ការប្រកួត អ៊ុយរ៉ាហ្គាយ យកឈ្នះអារ៉ាប់ប៊ីសាអូឌីត ដោយលទ្ធផល ១-០ កក់កៅអីវគ្គ១៦ក្រុមចុងក្រោយជាបន្ដ ខណៈប្រទេសក្នុងតំបន់អាស៊ីនេះ ហាលអាវដោយស្វ័យប្រវត្ដិក្នុងការប្រកួតពានរង្វាន់នេះ៕