ខួបកំណើតឆ្នាំនេះ ចនច័ន្ទ លក្ខិណា មិនធ្វើ ផ្អើលតារាដូចឆ្នាំមុន ព្រោះតែហេតុផលមួយ

ភ្នំពេញ៖ ដូចប្រិយមិត្តបានជ្រាបហើយថា កាលពីយប់មិញ លោក ហេង ឡុង បានបង្ហាញពីក្ដីស្រលាញ់ទៅដៃគូស្នេហ៍អ្នកនាង ចនច័ន្ទ លក្ខិណា ជាមួយនឹងពាក្យផ្អែមល្ហែម ថែមទាំងជូនចិញ្ចៀនពេជ្រ ទៅនាង ជាកាដូសម្រាប់ថ្ងៃកំណើតឆ្នាំនេះទៀតផង។

តួយ៉ាងមិនទាន់បានប៉ុន្មានផង ស្រាប់តែមុននេះបន្តិច តារាសម្ដែងជើងចាស់រូបនេះ បែរជាបង្ហោះសារលើបណ្ដាញសង្គម បង្ហើបប្រាប់ពីការអាក់ខាន ដោយមិនបានរៀបចំពិធីជប់លៀងឆ្លងថ្ងៃពិសេសដូចរាល់ឆ្នាំឡើយ។

ក្នុងនោះអ្នកនាងបានពោលថា៖ «បុណ្យចម្រើនអាយុឆ្នាំនេះ សុំសម្រាកហើយណាបងប្អូនមិត្តភ័ក្ត្រមួយចំនួន យប់នេះសុំមិនចេញក្រៅទេណា ព្រោះពេលនេះមិនអាចញាំអ្វីបានទេចា៎ ក្តៅក្នុងរលាកអណ្តាត ចេញពងបែកពេញមាត់ បើបន្តការញាំទៀតអាចបុណ្យចម្រើនអាយុក្លាយជាបុណ្យសព ព្រោះចាស់ហើយ ហើយពេលនេះក្រោកមិនចង់រួច»។

ទាំងនេះគឺជាហេតុផលដែលនាំឲ្យអ្នកនាង ចនច័ន្ទ លក្ខិណា មិនបានធ្វើពិធីខួបកំណើតដូចតារាស្រីប្រុសដទៃ៕

• ចនច័ន្ទ លក្ខិណា
• តារាខ្មែរ