អង់គ្លេស៖ ខ្សែបម្រើរបស់ក្រុមជម្រើសជាតិអង់គ្លេសកីឡាករ Dele Alli អាចនឹងអវត្តមានក្នុងការប្រកួតបន្ទាប់ជាមួយក្រុមប៉ាណាម៉ា នៅថ្ងៃអាទិត្យសប្ដាហ៍នេះ ដោយសាររូបគេបានរងរបួសភ្លៅ កាលពីប្រកួតយប់មិញ។
ខ្សែបម្រើវ័យ ២២ ឆ្នាំរូបនេះបានបង្ហាញទម្រង់លេងយ៉ាងល្អកំឡុងពេលចាប់ផ្ដើមក្នុងការប្រកួតដំបូងរបស់ក្រុមជម្រើសជាតិអង់គ្លេស បុ៉ន្តែគួរឲ្យសោកស្តាយរូបគេបានរងរបួសក្នុងអំឡុងពេលវគ្គទីមួយ ហើយ Alli នៅតែបន្តលេងរហូតដល់វគ្គទីពីរ ដោយសារតែខ្លាចរបួសកាន់តែធ្ងន់ធ្ងរ គ្រូបង្វឹកក៏សម្រេចចិត្តផ្លាស់ប្តូរកីឡាកររូបនេះចេញនៅនាទី៨០ ដោយដាក់ជំនួសមកវិញដោយកីឡាករ Ruben Loftus-Cheek។
គួរឲ្យដឹងផងដែរកីឡាកររបស់ក្រុម Tottenham Hotspur នេះត្រូវបានគេដឹកចេញពីកីឡដ្ឋាន ក្រោយពីការប្រកួតចប់ ដើម្បីទៅធ្វើការត្រួតពិនិត្យក៏ដូចជាព្យាបាលនៅថ្ងៃអង្គារនេះផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
