ថៃ៖ ជាការពិតណាស់ ប្រិយមិត្តជាច្រើនប្រាកដជា ធ្លាប់បានដឹងច្បាស់រួចមកហើយថា តារាសម្តែងលោក Matthew គឺជាតារាប្រុសមួយដួង ដែលគេនិយមតែងតែឃើញលោកដើរតួជាតួប្រុសចិត្តអាក្រក់ សាវ៉ាក្បត់ចិត្តស្រីៗមិនតិចនាក់នោះទេ។
ប៉ុន្តែនៅក្នុងជីវិតពិតវិញ មិនដូច្នេះទេ ជាក់ស្តែងគឺតារាប្រុស Matthew បានបំពេញតួនាទីជាស្វាមីដ៏ល្អរបស់តារាសម្តែងស្រី Lydia ក្រោយពេលរៀបការជាមួយគ្នាតាមប្រពៃណីរួចមកកាលពីឆ្នាំ ២០១៥ កន្លងមក។
មិនតែប៉ុណ្ណោះលោក Matthew ក៏បានបំពេញតួនាទីជាឪពុកម្នាក់ដ៏ល្អរបស់កូនប្រុសខ្លួនផងដែរ ដែលបានធ្វើឱ្យអ្នកគាំទ្រលួចសរសើរថា ថ្វីត្បិតតែនៅក្នុងការសម្តែងរឿង Matthew មិនដែលដើរតួជាមនុស្សប្រុសល្អទេ បើមិនលួចក្បត់ចិត្តស្រីៗ ក៏ដើរបោកប្រាស់គេឯងធ្វើឱ្យឈឺចាប់ដែរ។
តែបែរជានៅក្នុងជីវិតពិត តារាសម្តែងប្រុសរូបនេះ បានបំពេញតួនាទីសម្រាប់មនុស្សជាទីស្រលាញ់របស់ខ្លួន បានយ៉ាងល្អគួរឱ្យពេញចិត្ត និងថែមទាំងមាននារីៗមួយចំនួនតែងប្រាថ្នាចង់បានស្វាមីដែលចេះថ្នមចិត្តដួចជា Matthew ដូច្នេះផងដែរ៕
ទស្សនារូបភាពខាងក្រោមទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]