Walker រិះគន់អាជ្ញាកណ្តាល រឿងពិន័យបាល់ប៉េណាល់ទីយប់មិញ

រុស្ស៊ី៖ កីឡាករ Kyle Walker បានបញ្ចេញសម្តីយ៉ាងធ្ងន់ៗទៅលើការសម្រេចចិត្តផ្តល់បាល់ប៉េណាល់ទីឲ្យទៅក្រុមទុយណេស៊ីកាលពីយប់មិញ ទោះក្រុមលោកបានទទួលជ័យជម្នះក៏ដោយ។

ក្រោយពីជម្រើសជាតិអង់គ្លេសបានយកឈ្នះក្រុមទុយណេស៊ី ២ទល់នឹង១ កាលពីយប់មិញ ខ្សែការពារ Kyle Walker បាននិយាយប្រាប់អ្នកសារព័ត៌មានថា ការសម្រេចចិត្តរបស់លោកអាជ្ញាកណ្តាលពិតជាមិនសមហេតុផលសោះ ដោយសារតែការប៉ះទង្គិចនោះវាសឹងតែកើតមានរាល់ដងទៅហើយ។ 

កីឡាកររបស់ក្រុម Manchester City រូបនេះបានបន្តថា លោកមិនបានវាត់ដៃទៅក្រោយទេ ប៉ុន្តែកីឡាកររបស់ក្រុមទុយណេស៊ីជាអ្នករត់មកបុកដៃលោកទៅវិញ ហើយបើនៅក្របខ័ណ្ឌ Premier League វិញ ការប៉ះទង្គិចនេះមិនដែលត្រូវបានអាជ្ញាកណ្តាលពិន័យឡើយ។

គួរឲ្យដឹងថា ក្រុមជម្រើសជាតិអង់គ្លេសនឹងត្រូវប៉ះជាមួយក្រុមជម្រើសជាតិប៉ាណាម៉ា នៅថ្ងៃ២៤ វេលាម៉ោង៧:០០ ខាងមុខនេះ៕