Jesus ថាអត់ខ្វល់រឿងស្បែកជើងមាសអីទេ ឲ្យតែជួយប្រេស៊ីល ឈ្នះ

ប្រេសុីល៖ ខ្សែប្រយុទ្ធឆ្នើមរបស់ប្រេស៊ីលកីឡាករ Gabriel Jesus បាននិយាយថារូបគេមិនទាន់ហ៊ានស្រមៃថានឹងបានស្បែកជើងមាសនៅ World Cup នោះទេពោលគឺរូបគេគ្រាន់តែចង់រួមចំណែកជួយក្រុមប្រេស៊ីលដើម្បីឈ្នះ World Cup តែប៉ុណ្ណោះ។

ខ្សែប្រយុទ្ធរបស់ក្រុម Manchester City រូបនេះបានបញ្ជាក់ថាគេផ្តោតអារម្មណ៍តែលើការជួយក្រុមដើម្បីឲ្យឈ្នះ World Cup តែប៉ុណ្ណោះមិនមែនឈ្នះស្បែកជើងមាសនោះទេ។

ខ្សែប្រយុទ្ធរូបនេះគឺជាកីឡាករសំខាន់ម្នាក់សម្រាប់ជួយក្រុមសុាំបាប្រេស៊ីលមួយនេះឲ្យមានសង្ឃឹមឈ្នះនៅក្នុងការប្រកួតដំបូងជាមួយប្រទេសស្វ៊ីសនៅថ្ងៃអាទិត្យ។ 

បន្ទាប់ពីជួបជាមួយប្រទេសស្វ៊ីសរួច ប្រេស៊ីលត្រូវជួបកូស្តារីកានៅ ថ្ងៃទី ២២ ខែមិថុនា និងបន្តជួបស៊ែប៊ីនៅ ថ្ងៃទី ២៧ ខែមិថុនា នៅក្នុងពូល E ដូចគ្នានោះ។

គួរបញ្ជាក់ផងដែរថា បើសិនតារាឆ្នើមរបស់ក្រុមប្រេស៊ីលរូបនេះអាចឈ្នះស្បែកជើងមាសបានមែននោះ ពោលរូបគេនឹងក្លាយជាកីឡាករប្រេស៊ីលដំបូងគេចាប់តាំងពី Ronaldo ធ្លាប់ឈ្នះក្នុងឆ្នាំ ២០០២ ដែលបានរកគ្រាប់បាល់ច្រើនជាងគេនៅ World Cup ៕