បរទេស៖ ស្របពេលដែលយើងមានអាយុកាន់តែច្រើនទៅៗ អាយុ ៣០ឆ្នាំគឺជាពេលដ៏ល្អមួយសម្រាប់ឲ្យយើងប្រើពេលពិនិត្យមើលដំណើរជីវិតយើងឡើងវិញ និងកែប្រែទម្លាប់មួយចំនួនដើម្បីអាចប្រាកដថា យើងនឹងអាចរស់នៅជីវិតមួយដែលពោរពេញទៅដោយភាពរីករាយបាន។
ខាងក្រោមជាទម្លាប់ទាំង១០ ដែលអ្នកគួរបញ្ឈប់ឲ្យបានមុនអាយុ ៣០ឆ្នាំ៖
ការរង់ចាំចុងសប្ដាហ៍ទើបសម្រេចចិត្តធ្វើរឿងអ្វីមួយ
អ្នកអាចចៀសវាងសកម្មភាពនេះបានដោយ រៀបគម្រោងក្នុងការធ្វើសកម្មភាពទាំងឡាយដែលមានប្រយោជន៍ជារៀងរាល់ល្ងាច។
គិតថាការជក់បារីនៅទីប្រជុំជនគឺជារឿងធម្មតា
ការកាត់បន្ថយការជក់បារីនៅទីប្រជុំជន អាចនាំឲ្យអ្នកកាត់បន្ថយការជក់បារីទាំងស្រុងបាន ហើយវាថែមទាំងជួយឲ្យអ្នកចៀសវាងពីការរំខានអ្នកដទៃទៀតផង។
ចាប់តោងមិត្តភាពដែលកំពុងបាត់បង់ទៅហើយ
នៅពេលដែលអ្នកមានអាយុកាន់តែជិត ៣០ឆ្នាំទៅ មិត្តភក្ដិរបស់អ្នកជាច្រើននឹងចាប់ផ្ដើមចាកចេញពីអ្នក ដោយសារមនុស្សគ្រប់ៗគ្នានឹងត្រូវមានទំនួលខុសត្រូវរៀងៗខ្លួន។
គ្មានពេលគេងទៀងទាត់
ការដែលគ្មានពេលគេងទៀងទាត់អាចនាំឲ្យគុណភាពនៃការគេងរបស់អ្នកចុះខ្សោយបាន។
មើលរំលងពេលវេលាសំខាន់ៗជាមួយមិត្តភក្ដិ
ការចងចាំពេលវេលាដើរកម្សាន្តដែលអ្នកចំណាយជាមួយមិត្តភក្ដិរបស់អ្នក គឺសំខាន់ខ្លាំងណាស់ ពីព្រោះពេលវេលាមួយដែលអ្នកមិនអាចចំណាយពេលជាមួយពួកគេបន្តទៀតនឹងមកដល់នៅថ្ងៃណាមួយជាមិនខាន។
រត់គេចពីការជជែកគ្នា
ការជជែកគ្នាពីប្រធានបទផ្សេងៗដែលអ្នកមិនពេញចិត្ត នឹងកើតមានឡើងកាន់តែច្រើនទៅៗ ស្របពេលដែលអ្នកមានអាយុកាន់តែចាស់ទៅៗ។
ទទួលទានទឹកតិចពេក
ការទទួលទានទឹកគឺមានសារៈសំខាន់ខ្លាំងណាស់ក្នុងការថែទាំស្បែក តម្រងនោម និងសុខភាពរបស់អ្នកទាំងមូល។
មិនថែទាំសុខភាពធ្មេញ
ការថែទាំសុខភាពធ្មេញដោយដុសធ្មេញរបស់អ្នក ២ដងក្នុងមួយថ្ងៃគឺមានសារៈសំខាន់ខ្លាំងណាស់ ដោយសារធ្មេញរបស់អ្នកនឹងមិនដុះឡើងវិញម្ដងទៀតនោះទេ។
បារម្ភពីថាអ្នកដទៃគិតមិនល្អចំពោះអ្នក
ការបារម្ភបែបនេះអាចធ្វើឲ្យអ្នកមានអារម្មណ៍ថានឿយហត់យ៉ាងខ្លាំង ហើយកម្លាំងនិងពេលដែលអ្នកប្រើដើម្បីបារម្ភនេះគឺគ្មានផលប្រយោជន៍នោះទេ លើសពីនេះទៅទៀត វាថែមទាំងដាក់កម្រិតទៅលើសេរីភាពរបស់អ្នកទៀតផង។
គ្មានគម្រោងអនាគតច្បាស់លាស់
ការដែលគ្មានគម្រោងអនាគតច្បាស់លាស់គឺជារឿងដ៏គ្រោះថ្នាក់មួយ ពីព្រោះពេលដែលអ្នកមានអាយុកាន់តែចាស់ទៅៗ អ្នកនឹងអាចមិនដឹងថាខ្លួនឯងកំពុងធ្វើអ្វីបាន៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]