រាជធានីភ្នំពេញ ៖ យុវជនជាជនសង្ស័យជាប់ពាក់ព័ន្ធប្លន់ប្រដាប់អាវុធចំនួន៤ នាក់កាលពីព្រឹកថ្ងៃទី១៣ មីនា ត្រូវបានសមត្ថកិច្ចនគរបាលព្រហ្មទណ្ឌកម្រិតស្រាល រាជធានីភ្នំពេញ បញ្ជូនទៅកាន់សាលាដំបូងដើម្បីសាកសួរ និងចោទប្រកាន់ជាផ្លូវការ ។
យុវជនទាំង៤នាក់ ១-ឈ្មោះគឹម យូរ៉ា ហៅប្លូត អាយុ២០ឆ្នាំ ២-ឈ្មោះឃិន បញ្ញា ហៅសិលាព្រហ្មលិខិត អាយុ១៧ឆ្នាំ ៣-ឈ្មោះចក់ ប៊ូ ហៅសិលាក្រហម អាយុ១៦ឆ្នាំ និង៤-ឈ្មោះមុំ វុទ្ធី ហៅខ្លា អាយុ១៩ឆ្នាំ ពួកគេគ្មានមុខរបរពិតប្រាកដ ជាយុវជនចាកចោលផ្ទះសម្បែង និងបានប្រមូលផ្តុំគ្នាជួលផ្ទះស្នាក់នៅសង្កាត់ភ្នំពេញថ្មី ខណ្ឌសែនសុខ ។ ទាក់ទិននឹងការនាំខ្លួនយុវជន៤នាក់ខាងលើនេះ ទៅសាលាដំបូងរាជធានីភ្នំពេញ នោះត្រូវបានសមត្ថកិច្ចនគរបាលឱ្យដឹងថា គឺធ្វើឡើងតាមការស្រាវជ្រាវ ដោយយោងទៅលើពាក្យបណ្តឹងរបស់ជនរងគ្រោះឈ្មោះមឿន ស្រីល័ក្ខ ភេទស្រី អាយុ១៩ឆ្នាំ ។
សមត្ថកិច្ចនគរបាលបានឱ្យដឹងទៀតថា កាលពីវេលាម៉ោង២និង៣០នាទីយប់ថ្ងៃទី១០ មីនា នាងបានជិះម៉ូតូម៉ាកអាយខន ពណ៌ផ្កា ឈូក ស៊េរី២០០៨ ចេញពីខារ៉ាអូខេឡឺវេស ។ លុះទៅដល់មុខផ្ទះលេខ១៧៨BEo ផ្លូវលេខ១៨២ សង្កាត់វាលវង់ ខណ្ឌ៧មករា ស្រាប់តែត្រូវជនល្មើសស៦នាក់ជិះម៉ូតូ២គ្រឿង មួយគ្រឿងម៉ាក SL ពណ៌ទឹកប្រាក់ និង១គ្រឿងទៀតម៉ាកស្មាស់ ពណ៌ខ្មៅ ស៊េរី២០០៨ ទៅកៀរម៉ូតូរបស់នារីរងគ្រោះឱ្យឈប់ រួចម្នាក់បានលោតស្ទុះចេញពីម៉ូតូដោយយកកាំភ្លើងខ្លី១ដើម ភ្ជង់ប្លន់យកម៉ូតូម៉ាកអាយខនរបស់នាងទៅបាត់៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]