ដេននីក្វាន់ មិនត្រឹមតែជះលុយទិញគ្រឿងពេជ្រទេ ពេលនេះ នាងចំណាយលុយច្រើនសន្ធឹក បើករកស៊ីម្តង

ភ្នំពេញ៖ ប្រិយមិត្តជាច្រើន ជាពិសេសអ្នកលេងតាមបណ្តាញសង្គមភាគច្រើន ប្រាកដជាដឹងហើយ ថាតារាសម្តែងដ៏ល្បីឈ្មោះកញ្ញាដេននីក្វាន់ តែងតែបើកបង្ហាញនូវសម្ភារៈនិយមរបស់ខ្លួន នៅក្នុងបណ្តាញសង្គម ជាពិសេសគឺមាសពេជ្ររបស់ខ្លួនតែម្តង។

តាមរយៈ ការបើកបង្ហាញពីជីវិតឯកជនរបស់តារារូបនេះ បានធ្វើឲ្យអ្នកគ្រប់គ្នាច្រណែន ចង់បានជីវិតដូចនាងគ្រប់គ្នា តែទោះជាយ៉ាងណាក្តី នាងបានខិតខំរកស៊ីតាមរយៈបណ្តាញសង្គមទាំងយប់ទាំងថ្ងៃ ទើបធ្វើឲ្យនាងមានបានបែបនេះ។

ដោយឡែក កាលពីប៉ុន្មាននាទីមុននេះដែរ តារារូបនេះ បានបង្ហោះរូបភាពប៉ុន្មានសន្លឹក នៅក្នុងហាងថ្មីរបស់ខ្លួន ដែលជាហាងលក់គ្រឿងសម្អាង ខណៈពេលដែលនាងទើបតែបើកហាងលក់ឡានមិនទាន់មួយឆ្នាំផងនោះ ធ្វើឲ្យអ្នកគាំទ្រសរសើរនាងគ្រប់គ្នា ។

ស្របពេលជាមួយគ្នានេះ នាងបាននិយាយយ៉ាងដូច្នោះថា៖«ទើបសម្ពោធឃ្លាំងលក់រថយន្តមិនទាន់បានប៉ុន្មានខែផង លូវហាងDenny Beauty Cosmetic របស់ខ្ញុំបាន៩០ភាគរយហើយ. គេយកលុយលេងល្បែងគេមិនខ្លាចផង រឿងអីខ្ញុំយកលុយមករកស៊ីត្រូវខ្លាច ធ្វើជាមនុស្សមិនងាយបរាជ័យទេបើយើងធ្វើអ្វីមានគោលដៅច្បាស់លាស់»៕

សូមទស្សនារូបភាពខាងក្រោមនេះ៖ 

• ដេននី ក្វាន់