រាជធានីភ្នំពេញ ៖ យុវជនម្នាក់ត្រូវសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជននៃទីបញ្ជាការកងរាជអាវុធហត្ថលើផ្ទៃប្រទេសឃាត់ខ្លួន បញ្ជូនទៅកាន់សាលាដំបូងរាជធានីភ្នំពេញ កាលពីព្រឹកថ្ងៃទី១៣ មីនា២០១២ ដោយជាប់ពាក់ព័ន្ធថា បានពង្រត់កូនក្រមុំនាយទាហានចេញពីផ្ទះទៅរួមរ័កអស់រយៈពេល១ខែ ទើបរកឃើញកន្លែងស្នាក់នៅ ។
យុវជនដែលកងរាជអាវុធហត្ថលើផ្ទៃប្រទេសចាប់ឃាត់ខ្លួននេះមានឈ្មោះមាស គឹមហេង ហៅពៅ អាយុ១៨ឆ្នាំ រស់នៅភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប ជាសិស្ស ។ ពុំមានព័ត៌មានផ្លូវការណាមួយបញ្ជាក់អំពីអង្គហេតុនៃការឃាត់ខ្លួនយុវជនឈ្មោះមាស គឹមហេង ហៅពៅ ឱ្យបានច្បាស់លាស់នោះទេ គ្រាន់តែប្រភពព័ត៌មាននៅសាលាដំបូងរាជធានីភ្នំពេញ បានឱ្យដឹងថា យុវជនឈ្មោះមាស គឹមហេង ហៅពៅ កាលពីថ្ងៃទី៦ កុម្ភៈ ២០១២ បានទូរស័ព្ទទំនាក់ទំនងជួបជាមួយនាង អ.ម.ទ អាយុ១៣ឆ្នាំ ជាសិស្សមានអាសយដ្ឋាននៅរាជធានីភ្នំពេញ ដែលជាកូននាយទាហានជាន់ខ្ពស់ម្នាក់ចេញពីផ្ទះ និងទៅជាមួយគ្នាបាត់ទៅ ។
តាមប្រភពឱ្យដឹងទៀតថា គឹមហេង បានពង្រត់នាង អ.ម.ទ ពីភ្នំពេញ តាមរបៀបជាគូស្នេហ៍ក្មេងខ្ចីទៅជួលផ្ទះសំណាក់មួយក្នុងភូមិស្លក្រាម ខេត្តសៀមរាប ស្នាក់នៅដូចប្តីប្រពន្ធចាប់ពីថ្ងៃទី៦ កុម្ភៈ ដល់ថ្ងៃទី២ មីនា ។ ក្រោយមកអាណាព្យាបាលស៊ើបដឹងពីកន្លែងពួកគេស្នាក់នៅក៏ប្តឹងសមត្ថកិច្ចតាមរកចាប់ខ្លួនប្រគល់ជូនតុលាការ និងរំដោះនាងអះអាងថា ជនរងគ្រោះជូនឪពុកម្តាយវិញ ។ ក្រោយពីបាត់ខ្លួនកូនស្រីរបស់លោកនាយទាហានពីផ្ទះនោះគឺរយៈពេលជិតមួយខែ ទើបលេចឮថា គេកំពុងស្នាក់នៅខេត្តសៀមរាប ម៉្លោះហើយអាណាព្យាបាលនាងបានដាក់ពាក្យបណ្តឹងទៅការិយាល័យប្រឆាំងការជូញដូរមនុស្ស និងការពារអនីតិជននៃទីបញ្ជាការកងរាជអាវុធហត្ថលើផ្ទៃប្រទេសឱ្យចាប់ខ្លួនតែម្តង ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]