ជាច្រើនសតវត្សមកហើយ ស្ត្រីនៅប្រទេសជប៉ុនគឺមានសម្រស់ស្រស់ស្អាត និងក្មេងជាងវ័យគួរអោយកត់សម្គាល់។ កាន់តែគួរអោយចាប់អារម្មណ៍នោះពួកគេយកអង្ករមកព្យាបាលស្បែក និងបំប៉នស្បែកមុខអោយនៅក្មេងខ្ចី។ អត្ថប្រយោជន៍នៃអង្ករនេះជួយអោយស្បែកមុខមានសំណើម ផ្លាស់ប្តូរកោសិកាស្បែកមុខអោយភ្លឺថ្លា ម៉ត់រលោង និងកំចាត់ស្នាមខ្មៅបានយ៉ាងល្អទៀតផង។
អង្ករមានសារធាតុផ្សំធម្មជាតិជាច្រើនដូចជា វីតាមីន E, ប្រេងដែលបណ្តឹងស្បែកមុខ ការពារពីភាពជ្រៀវជ្រួញ, មានជាតិកូឡូជេន (Collagen) ដែលធ្វើអោយស្បែកមុខនៅតែក្មេងជាងវ័យ ហើយលើសពីនេះទៅទៀត អាចការពារពីកម្តៅព្រះអាទិត្យ និងភាពស្ងួតគ្មានសំណើមទៀតផង។
មនុស្សភាគច្រើនមិនសូវបានដឹងអំពីអត្ថប្រយោជន៍របស់អង្ករឡើយ មានតែប្រទេសជប៉ុនទេ ដែលនិយមប្រើប្រាស់អង្ករមកធ្វើម៉ាស់ក្នុងការព្យាបាល និងបំប៉នស្បែកមុខជាងគេ។
ខាងក្រោមជារូបមន្តម៉ាសអង្ករដែលបំប៉នស្បែកមុខបំបាត់ភាពជ្រៀវជ្រួញ បណ្តុះកោសិកាស្បែកអោយក្មេងជាងវ័យ និងម៉ត់រលោង។
ក្នុងការធ្វើម៉ាស់អង្ករនេះ អ្នកត្រូវមាន៖
1. អង្ករ ៣ស្លាបព្រាបាយ
2. ទឹកឃ្មុំ ១ស្លាបព្រាបាយ
3. ទឹកដោះគោឆៅ ១ស្លាបព្រាបាយ
វិធីអនុវត្តន៍៖
1. ពេលដាំអង្ករអោយពុះរួចត្រូវសំរិតយកអង្ករចេញ រួចដាក់ទឹកក្នុងអង្ករដែលពុះនោះ
2. ដាក់ទឹកដោះគោមួយស្លាបព្រា កូរជាមួយអង្ករដែលដាំរួច
3. ថែមទឹកឃ្មុំមួយស្លាបព្រា កូរអោយចូលគ្នា
4. នៅពេលដែលកូរវាសព្វហើយ អ្នកអាចបិតម៉ាស់អង្ករនោះលើមុខ ទុកវាអោយស្ងួត ជាការស្រេច៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក នារី និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]