បារាំង៖ បុរសអន្តោប្រវេសន៍សញ្ជាតិម៉ាលីម្នាក់ (Mali) ត្រូវបានគេដាក់ឈ្មោះថា ជាវីរបុរសពីងពាង (Spiderman) បន្ទាប់ពីបុរសស្បែកខ្មៅរូបនេះ បានឡើងតោងលើអគារកម្ពស់៤ជាន់ ដើម្បីជួយសង្រ្គោះជីវិតកូនក្មេងម្នាក់ ដែលបានតោងរានមុខផ្ទះប៊ិះនឹងធ្លាក់ចុះមកក្រោមដី។

បុរសម្នាក់ឈ្មោះថា Mamoudou Gassama អាយុ ២២ឆ្នាំ ត្រូវបានលោកប្រធានាធិបតីបារាំង Emmanuel Macron អនុញ្ញាតឲ្យចូលជួបសម្តែងការគួរសមផ្ទាល់នៅវិមាន Elysee និងឲ្យបុរសម្នាក់នេះចូលសញ្ជាតិបារាំង ហើយថែមទាំងប្រគល់លិខិតសរសើរដល់គាត់ទៀតផង បន្ទាប់ពីបានជួយសង្រ្គោះជីវិតក្មេងម្នាក់ដោយក្លាហានបំផុត។

ប្រធានាធិបតីបារាំង Emmanuel Macron និង Mamoudou Gassama
បុរសពីងពាង Mamoudou Gassama

ងាកក្រឡេកទៅមើលវីដេអូដែលថតបាន គេឃើញបុរសក្លាហានម្នាក់បានឡើងហក់តោងលើអគារ ពីជាន់មួយទៅជាន់មួយទៀតយ៉ាងលឿន ដែលយើងសឹងតែមិនជឿនឹងភ្នែកសោះ  ក្នុងគោលបំណងដើម្បីជួយសង្រ្គោះជីវិតក្មេងម្នាក់។ រូបគាត់បានចំណាយពេលមិនដល់ ៣០វិនាទីឡើយ។ 

វីដេអូនេះផងដែរត្រូវគេបានចែករំលែកពាសពេញបណ្តាញសង្គមថែមទៀតផង។ មិនត្រឹមតែប៉ុណ្ណោះ គាត់ក៏ត្រូវបានគេឲ្យនាមថាជា បុរសពីងពាង។

សូមទស្សនាវីដេអូនៅខាងក្រោម៖

គួរឲ្យដឹងផងដែរថា លោក Gassama បានធ្វើដំណើរមកដល់ប្រទេសបារាំងពីរបីខែមកហើយ ហើយក្តីស្រមៃរបស់លោកនោះគឺ ចង់កសាងជីវិត និង រស់នៅលើទឹកដីប្រទេសនេះ តែឥឡូវក្តីស្រមៃរបស់គាត់បានក្លាយជាការពិតហើយ ដោយសារលោកប្រធានាធិបតីបារាំង Emmanuel Macron អនុញ្ញាតិឲ្យលោកចូលសញ្ជាតិបារាំងពេញសិទ្ធិ និងបានផ្តល់កន្លែងស្នាក់នៅដល់គាត់ថែមទៀតផង៕

បុរសពីងពាង Mamoudou Gassama

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]