អាណិតណាស់! តារាខ្មែរប្រុសស្រី ក្លាយខ្លួនជាតារាកំព្រាម្តាយ ក្នុងរយៈពេល មួយពព្រិចភ្នែក

ភ្នំពេញ៖ ជាការពិតណាស់ មួយរយៈពេលចុងក្រោយនេះឃើញថាតារាប្រុសស្រីប៉ុន្មានដួង បានជួបរឿងសោកស្តាយបំផុតនៅក្នុងជីវិត ដោយអ្នកម្តាយ ក៏ដូចជាបងប្អូនរបស់ពួកគេបានស្លាប់។

យ៉ាងណាមិញ ជីវិតរបស់មនុស្សម្នាក់ៗ ថានឹងត្រូវបញ្ចប់ និងលែងមាននៅលើលោកនេះ យើងពិតជាមិនអាចដឹងមុនថានៅថ្ងៃណានោះទេ។ យ៉ាងណាមិញ បើងាកមកនិយាយពីអ្នកសិល្បៈប៉ុន្មានដួង ត្រូវបានបាត់បង់អ្នកម្តាយជាទីស្រលាញ់ដូចៗគ្នា ដែលធ្វើឲ្យពួកគេជួបទុក្ខយ៉ាងខ្លាំង ដោយក្លាយជាកូនកំព្រាអត់មានអ្នកម្តាយនៅជិតតទៅទៀត។

ស្របពេលជាមួយនឹងភាពសោកស្តាយរបស់តារាទាំងអស់ ក៏បានធ្វើឲ្យអ្នកគាំទ្រសោកស្តាយជំនួសពួកគេផងដែរ។

ដោយនៅក្នុងនោះមានតារាដូចខាងក្រោមនេះ៖

១)រ៉ូលីន៖ ម្តាយជាទីស្រលាញ់របស់តារារូបនេះបានស្លាប់១០ខែមកហើយ មកទល់នឹងពេលនេះ តែទោះជាយ៉ាងណាក្តីលោកនៅតែនឹករលឹកដល់អ្នកម្តាយជានិច្ច ជាពិសេសនោះ គឺលោកតែងតែចាំពាក្យសម្តីគ្រប់ម៉ាត់របស់អ្នកមានគុណ។ 

២)សុខ រក្សា៖ ម្តាយរបស់តារារូបនេះក៏បានស្លាប់ ថ្ងៃប្រហាក់ប្រហែលជាមួយនឹងរ៉ូលីនផងដែរ ដោយគិតមកដល់ពេលនេះគឺមានរយៈពេល១០ខែមកហើយ។ ដោយម្តាយរបស់លោកមានជំងឺជាប់ខ្លួន និងមានបងប្អូនខ្មែរ ជួយផ្តល់ឈាមជាច្រើន តែនៅតែមិនអាចស្រោចស្រង់ជីវិតម្តាយរបស់តារារូបនេះបាន។

៣)ហេង នរៈកក្កដា៖ ម្តាយតារារូបនេះ បានទទួលមរណភាព២ខែមកហើយ ដោយសារតែមានជំងឺប្រចាំកាយយូរមកហើយ។ យ៉ាងណាមិញ តារារូបនេះតែងបញ្ចេញសារនឹករលឹកដល់អ្នកម្តាយជាទីស្រលាញ់ជានិច្ច។

៤) ស៊ូ ស៊ីរីកា ៖ ក៏បានជួបទុក្ខដ៏ធំមួយនេះដូចតារាដទៃដែល ដោយនាងបានបាត់បង់ម្តាយកាលពី៣ខែមុននេះ។

៥) កែវ ផល្លីកា៖ម្តាយរបស់ពិធីការិនីរីរូប បានទទួលមរណៈភាពកាលពីមួយខែមុននេះ ធ្វើឲ្យនាង ក៏ដូចជាក្រុមគ្រួសារមានការសោកស្តាយយ៉ាងខ្លាំង។

៦) ស៊ឹម ថៃណា៖ ម្តាយរបស់តារារូបនេះបានស្លាប់កាលពីម្សិលមិញនេះ ដោយម្តាយនេះមានជំងឺ ដែលមិនអាចព្យាបាលតទៅទៀតបាន៕

• កែវ ផល្លីកា
• ហេង នរៈកក្កដា
• សឹុម​ ថៃណា
• រ៉ូលីន
• សុខ រក្សា
• ស៊ូ ស៊ីរីកា
• តារាខ្មែរ