សុខ សោម៉ាវត្តី បង្ហោះវីដេអូជូនពរថ្ងៃកំណើត លី វ៉ាហេទ ផ្អែមល្ហែមថ្នាក់នេះ ឃើញចង់លើសជាតិស្ករតាម (មានវីដេអូ)

ភ្នំពេញ៖ បច្ចុប្បន្ននេះតារាសម្តែងស្រីពូកែលេងសើច និងមានចរិតក្រមិចក្រមើមគួរឱ្យស្រលាញ់អ្នកនាង សុខ សោម៉ាវត្តី កំពុងតែកើបយកប្រជាប្រិយភាពយ៉ាងខ្លាំង ពីសំណាក់មហាជន តាមរយៈការសម្តែងក្នុងខ្សែភាពយន្តនានារបស់នាង។

ហើយចំពោះរឿងបេះដូងវិញ តារាស្រីមេម៉ាយចាយសម្រស់រូបនេះ ក៏ត្រូវបានអ្នកគាំទ្រដឹងថា កំពុងតែមានទំនាក់ទំនងស្នេហា យ៉ាងស្អិតរមួតជាមួយនឹងកម្លោះសង្ហាជាកីឡាករបាល់ទាត់គឺលោក លី វ៉ាហេទ ទោះបីជាអ្នកទាំងពីរអះអាងថា មានសម្ព័ន្ធភាពជាមួយគ្នាត្រឹមតែជាមិត្តភក្តិ និងបងប្អូនក៏ដោយ។

ជាក់ស្តែង នៅថ្ងៃនេះលើហ្វេសប៊ុករបស់អ្នកនាង សុខ សោម៉ាវត្តី ស្រាប់តែបានផុសវីដេអូមួយយ៉ាងផ្អែមល្ហែម ដើម្បីជូនពរក្នុងថ្ងៃខួបកំណើតរបស់លោក លី វ៉ាហេទ ដោយធ្វើស្ទីលដាក់ដៃទ្រចង្កាតាមបែបកូរ៉េ ព្រមទាំងថើបថ្ពាល់គ្នានៅចុងក្រោយវីដេអូយ៉ាងរ៉ូមែនទិកទៀតផង ធ្វើឱ្យអ្នកដែលបានឃើញហើយចង់លើសជាតិស្ករតាម។

លេងសើចម៉េចបានមួយគូរនេះផ្អែមល្ហែមជាមួយគ្នារហូត ធ្វើឱ្យអ្នកនៅលីវលួចច្រណែនមិនតិចនាក់នោះទេ៕ 

ទស្សនារូបភាព និងវីដេអូខាងក្រោមនេះទើបដឹងថាយ៉ាងណា៖ 

• សុខ សោម៉ាវត្តី
• លី វ៉ាហេទ
• ស្នេហា
• វីដេអូ
• តារាខ្មែរ