រាជធានីភ្នំពេញ ៖ នារីម្នាក់តូចចិត្ដនឹងគូដណ្ដឹងដែលភ្ជាប់ពាក្យបានមួយឆ្នាំហើយនៅតែមិនយល់ចិត្ដគ្នាទៀត បានឡើងទៅអង្គុយកើតទុក្ខនៅលើដំបូលផ្ទះជាន់ទីមួយលោតចុះមកក្រោមប៉ងសម្លាប់ខ្លួន។ ហេតុការណ៍នេះកើតឡើងកាលពីវេលាម៉ោង១១និង៤០នាទីយប់ថ្ងៃទី១២ ជិតឈានចូលថ្ងៃទី១៣ មីនា នៅជិតផ្សារសំណង់១២ ក្នុងសង្កាត់ទឹកល្អក់ទី៣ ខណ្ឌទួលគោក ។
នារីគិតខ្លីសម្រេចចិត្តលោតពីលើផ្ទះដើម្បីបញ្ចប់ជីវិតតែមិនបានសម្រេចឈ្មោះសៀង អាយុ១៩ឆ្នាំ ជាជាងកាត់សម្លៀកបំពាក់ ស្នាក់នៅសង្កាត់ស្ទឹងមានជ័យ ខណ្ឌមានជ័យ មានស្រុកកំណើតនៅភូមិអង្គរជ័យ ឃុំមហាខ្ញូង ស្រុកកោះសូទិន ខេត្ដកំពង់ចាម បានឱ្យដឹងថា នាងមានគូដណ្ដឹងឈ្មោះស្រស់ អាយុ២៤ឆ្នាំ ជាជាងកាត់ដេរសម្លៀកបំពាក់ដែរ នៅម្តុំឃ្លាំងរំសេវមាន ស្រុកកំណើតជាមួយគ្នា បានភ្ជាប់ពាក្យនឹងគ្នាមួយឆ្នាំមកហើយ។ ស្ត្រីរងគ្រោះបន្ដទៀតថា មូលហេតុដែលនាងពិបាកចិត្ដនិងតូចចិត្ដក្នុងជីវិតបែបនេះ ដោយសារតែនាងនិងគូដណ្ដឹងហាក់មិនសូវចុះសម្រុងនឹងគ្នាសោះ។ ដោយពិបាកចិត្ដពេកក៏សម្រាកពីការងារពីរថ្ងៃ ហើយទៅលេងផ្ទះមេជាងនៅជិតផ្សារសំណង់១២។ នៅយប់កើតហេតុខ្លួនបានទៅអង្គុយនិយាយគ្នាលេងជាមួយកូនជាងរៀនដេរជាមួយគ្នានៅលើដំបូលផ្ទះជាន់ទីមួយ។ ការជជែកលេងនោះពុំបានធ្វើឱ្យអារម្មណ៍នាងស្បើយទេ ខណៈនោះនាងក៏ដើរផ្លោះទៅលើដំបូលផ្ទះនៅជាប់គ្នានោះហើយលោតទម្លាក់ខ្លួនទៅក្រោមឮសូរក្ដុក សន្លប់ស្ដូក ត្រូវមិត្ដភក្តិរត់ចុះទៅមើលឃើញនៅមានដង្ហើមក៏ប្រញាប់ប្រញាល់ដឹកយកទៅសង្គ្រោះនៅមន្ទីរពេទ្យព្រះកុសុមៈ ។
ខណៈទៅដល់មន្ទីរពេទ្យក៏បានដឹងខ្លួនឡើងវិញ ប៉ុន្ដែមួយកំណាត់ត្រឹមចង្កេះចុះក្រោមកម្រើកមិនរួច បច្ចុប្បន្នកំពុងសម្រាកព្យាបាលនៅមន្ទីរពេទ្យព្រះកុសុមៈ៕
ដោយ ៖ ប្រុសកោះ
ផ្តល់សិទ្ធដោយ កោះសន្តិភាព
សូមប្រិយមិត្តជួយចុច Add a comment ដើម្បីផ្តល់ជាមតិ និងជួយ Share នៅលើ Facebook របស់អ្នក។
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
