ទោះប្រកាសលែងលះគ្នា តែម៉ៅ ស៊ីណាត មិនដាច់ចិត្ត ទុកស្វាមីចោល ពេលជួបគ្រោះថ្នាក់ចរាចរណ៍ធ្ងន់ធ្ងរ

ភ្នំពេញ៖ តារាសម្តែង និងជាតារាចម្រៀងអ្នកនាងម៉ៅ ស៊ីណាត កំពុងតែជួបទុក្ខធំជាមួយនឹងគ្រួសារ ដោយសារតែស្វាមីជាទីស្រលាញ់របស់ខ្លួនបានជួបហេតុការណ៍គ្រោះថ្នាក់ចរាចរណ៍ របួសធ្ងន់ធ្ងរ ត្រូវ យកទៅសង្រ្គោះបន្ទាន់នៅមន្ទីរពេទ្យ ព្រះកេតុមាលា កាលពីយប់មិញនេះ។

ដោយក្នុងនោះត្រូវបានគេដឹងថា មានម៉ូតូកង់បីមួយកគ្រឿង បានបុកជាមួយមួយម៉ូតូស្វាមីអ្នកនាង នៅចំនុច អូឌឹម ផ្លូវជាតិលេខ៤ បន្ទាប់ពីគ្រោះថ្នាក់ប្តីអ្នកនាងត្រូវបានដឹកទៅសង្រ្គោះបន្ទាន់ភ្លាមនៅឯមន្ទីរពេទ្យតែម្តង នេះបើតាមការបង្ហើបនៅក្នុងបណ្តាញសង្គមរបស់លោកអ៊ឹម ជីវ៉ា ។

ជាមួយគ្នានេះដែរ ឃើញថាតារារូបនេះពិតជាមានទុក្ខសោកយ៉ាងខ្លាំង ដែលស្វាមីរបស់ខ្លួនបានជួបរឿងបែបនេះ បើទោះបីនាង ប្រកាសលែងលះជាមួយស្វាមីក៏ដោយ។ ស្របពេលជាមួយគ្នានេះ ក៏មានអ្នកលេងបណ្តាញសង្គមជាច្រើនបាន ចូលរួមជូនពរស្វាមីរបស់នាងដែលបានជួបរឿងបែបនេះ ឲ្យឆាប់ជាសះស្បើយឡើងវិញ៕

សូមទស្សនារូបភាពខាងក្រោមនេះ៖ 

• ម៉ៅ ស៊ីណាត
• គ្រោះថ្នាក់ចរាចរណ៍
• តារាខ្មែរ