ចិន៖ វិចិត្រករមួយរូបមកពីប្រទេសចិន បានបង្ហាញគ្រប់គ្នាថា មិនមែនទាន់តែមានម្រាមដៃ ទើបអាចគូរគំនូរស្រស់ស្អាតមួយផ្ទាំងនោះទេ។
ជាក់ស្តែង វិចិត្រករ ដែលមិនបង្ហាញអត្តសញ្ញាណរូបនេះ ពិការប្រអប់ដៃទាំងសងខាងតែម្តង។ ទោះបីជាស្ថានភាពលំបាកបែបនេះក្តី ក៏លោកនៅតែអាចគូរគំនូរបាន តាមរយៈតិចនិច២យ៉ាងដូចនៅក្នុងវីដេអូខាងក្រោមនេះ៖
តាមរយៈវីដេអូឃ្លីបនេះ បានបង្ហាញថា នៅពេលដែលបុរសខាងលើនេះ គូរគំនូរអក្សរផ្ចង់ ឬគំនូរដែលមានភាពស្មុគស្មាញ គឺលោកបានប្រើមាត់របស់លោកដើម្បីខាំជក់។
ប៉ុន្តែក្នុងនោះ លោកក៏បានប្រើចុងដៃ ដែលគ្មានម្រាមទៅជ្រលក់ក្នុងទឹកថ្នាំដោយផ្ទាល់ ដើម្បីគូររូបភ្នំ រូបមនុស្ស និងរូបផ្សេងៗជាច្រើនទៀតផងដែរ។
ទង្វើរបស់វិចិត្ររូបនេះ ពិតជាបានលើកទឹកចិត្តដល់មនុស្សគ្រប់គ្នា ឲ្យមានការខិតខំប្រឹងប្រែង ជាពិសេស ជនពិការដូចជារូបលោកតែម្តង៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក ប្លែកៗ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]