គម្រប់ខួបអាពាហ៍ពិពាហ៍ ១ឆ្នាំ ឆាយ វីរៈយុទ្ធ ដឹកដៃភរិយា ចេញចម្រៀងជីវិតគូមួយបទ យ៉ាងផ្អែមល្ហែម (មានវីដេអូ)

ភ្នំពេញ៖ មុននេះបន្តិច កំពូលតារាចម្រៀងល្បីឈ្មោះ ប្រចាំនៅក្នុងផលិតកម្មសាន់ដេលោក ឆាយ វីរៈយុទ្ធ បានធ្វើឱ្យអ្នកគាំទ្រមានការភ្ញាក់ផ្អើលយ៉ាងខ្លាំង នៅពេលដែលបានឃើញលោកបង្ហោះនូវបទចម្រៀង បែបមនោសញ្ចេតនាស្នេហាជ្រាលជ្រៅដ៏មានអត្ថន័យមួយបទ នៅលើបណ្តាញទំនាក់ទំនងសង្គមហ្វេសប៊ុករបស់ខ្លួន។

ដោយនៅក្នុងនោះ បទចម្រៀងស្នេហាមួយបទនេះ ក៏មានការចូលរួមសម្តែងពីភរិយាសម្លាញ់ចិត្តរបស់លោកផងដែរ ដើម្បីជាការអបអរសាទរដល់ថ្ងៃគម្រប់ខួប១ឆ្នាំនៃការរៀបអាពាហ៍ពិពាហ៍របស់អ្នកទាំងពីរ។

នៅលើហ្វេសប៊ុករបស់លោក ឆាយ វីរៈយុទ្ធ ក៏បានសរសេររៀបរាប់ នៅខាងលើវីដេអូចម្រៀងពោរពេញទៅដោយអត្ថន័យមួយបទនោះ យ៉ាងដូច្នេះដែរថា៖

«ឆាយ វីរ:យុទ្ធ & សែ ចាន់ឌី ចម្រៀង និងVideo មួយបទនេះ ពួកខ្ញុំបានធ្វើឡើងដើម្បីអបអរខួប1 ឆ្នាំនៃអាពាហ៍ពិពាហ៍របស់ពួកយើង គឺថ្ងៃចន័្ទ ទី 21 ខែឧសភា ឆ្នាំ 2018 (21 ឧសភា 2017 - 21 ឧសភា 2018 ) សូមប្រិយមិត្តទទួលស្តាប់ និងទស្សនាដោយរីករាយ សូមអរគុណ»។

ជាក់ស្តែង ក្នុងចម្រៀង «ស្រលាញ់គ្នារហូតក្លាយជាតាយាយ» គូស្វាមីភរិយាលោក ឆាយ វីរៈយុទ្ធ ពិតជាបានបង្ហាញនូវភាពផ្អែមល្ហែមជាមួយគ្នាយ៉ាងខ្លាំង ឃើញហើយចង់លើសជាតិស្ករតាម៕

តោះចង់ដឹងថាចម្រៀងស្នេហាពីលោក ឆាយ វីរៈយុទ្ធ និងភរិយាមានអ្វីប្លែកខ្លះនោះ? មកតាមដានទស្សនាដូចខាងក្រោម៖   

• ឆាយ វីរៈយុទ្ធ
• ចម្រៀង
• ស្នេហា
• វីដេអូ
• តារាខ្មែរ