ខួបអាពាហ៍ពិពាហ៍១៣ឆ្នាំ យក់ ថិតរដ្ឋា និងឃុំ ប៉ុណ្ណាដែត មានតែនំខេកមួយ ជួបជុំគ្រួសារក៏មើលទៅមានសុភមង្គល

ភ្នំពេញ៖ សុភមង្គលនៅក្នុងគ្រួសាររបស់តារាចម្រៀងអ្នកនាងយក់ ថិតរដ្ឋា និងលោក ឃុំ ប៉ុណ្ណាដែត កាន់តែផ្អែមល្ហែមនឹងគ្នាខ្លាំងឡើងពីមួយថ្ងៃទៅមួយថ្ងៃ ទោះបីជាពួកគេមានវ័យកាន់តែច្រើន ក៏ដូចជាមានកូនរួចមកហើយក្តី។

មិនត្រឹមតែប៉ុណ្ណោះនោះទេ គ្រួសាររបស់លោកក៏ជាប់ឈ្មោះជាគ្រួសារគំរូមួយនៅក្នុងចំណោមអ្នកសិល្បៈ ព្រោះអ្នកនាង និងស្វាមី តែងតែផ្តល់ភាពកក់ក្តៅគ្នាទៅវិញទៅមក ជាពិសេសនោះអ្នកទាំងពីរ បានបង្ហាញការស្រលាញ់ឲ្យគ្នាមិនចាញ់យុវវ័យនោះទេ។

មកទល់នឹងពេលនេះ អ្នកនាង និងស្វាមីបានចាប់ដៃគ្នា សាងសុភមង្គលអស់រយៈពេល១៣ឆ្នាំទៅហើយ។ ជាក់ស្តែង កាលពីពេលថ្មីៗនេះលោកក៏បានធ្វើខួបគម្រប់អាពាហ៍ពិពាហ៍ ជាមួយនឹងនំខេកមួយ ដើម្បីបញ្ជាក់ពីការស្រលាញ់រវាងគ្នា ជាមួយនឹងគ្រួសារ យ៉ាងមានសុភមង្គល ស្របពេលដែលគូស្វាមីភរិយាមួយចំនួន ជ្រើសរើសការធ្វើពិធីធំដុំ ដើរលេងកន្លែងថ្លៃៗ។

ទន្ទឹមនឹងនេះ ការដែលធ្វើតូចធម្មតា ដូចជាការជួបជុំគ្រួសារបែបនេះ មិនប្រាកដថាមិនមានសុភមង្គលនោះឡើយ សំខាន់នៅលើអ្វីដែលយើងចេះបង្កើតឡើង ដូចជាគ្រួសាររបស់តារារូបនេះយ៉ាងដូច្នោះ៕

ចង់ជ្រាបច្បាស់ទស្សនារូបភាពខាងក្រោមនេះ៖ 

• យក់ ថិតរដ្ឋា
• ឃុំ ប៉ុណ្ណាដែត
• តារាខ្មែរ