នៅសុខៗ ស្រាប់តែ ទូច ស្រីល័ក្ខ និយាយបែបនេះចំពោះស្វាមីរបស់នាង

ភ្នំពេញ ៖ តារាពហុជំនាញ អ្នកនាង ទូច ស្រីល័ក្ខ នៅតែមានប្រជាប្រិយភាព និងភាពជោគជ័យខ្លាំង មិនថាវិស័យសិល្បៈ និងជីវិតក្រុមគ្រួសាររបស់នាង។

ជាមួយគ្នានេះដែរ អ្នកនាង ទូច ស្រីល័ក្ខ តែងតែបង្ហាញពីសេចក្ដីសុខ និងសុភមង្គលរបស់ក្រុមគ្រួសាររបស់នាងជារឿយៗ នៅលើបណ្ដាញសង្គមរបស់ខ្លូន។ ស្រាប់តែថ្មីៗនេះ នាងក៏បានបង្ហាញអារម្មណ៍មួយចំពោះស្វាមី ដែលអ្នកនាងបានលាក់ទុកជាយូរមកហើយ។

ជាក់ស្ដែងដោយយោងទៅ តាមការបង្ហោះសារ តារាស្រីរូបនេះបានរៀបរាប់ពីស្វាមីរបស់ខ្លួនថា ៖ ‹‹ គាត់មានតួនាទីច្រើនសំរាប់ពួកយើងប្តីផងបងប្រុសផងមិត្តភ័ក្រព្រមទាំងជាគ្រូពេទ្យរដែរតែងតែខ្វល់ខ្វាយពីសុខទុក្ខរបស់ខ្ញុំព្រមទទួលស្តាប់គ្រប់រឿងដែរកើតមានឡើងតែងតែផ្តល់ជាកំលាំងចិត្តនិងជំរុញអោយខ្ញុំបន្តរដំណើររាល់ការបំពេញការងារហើយគាត់គឺជាជំនួយការដ៏ពិសេសមួយទៀតដែរពិបាករកសំរាប់ខ្ញុំជួយកាត់តរូបភាពក៏ដូចជាកាត់តវិឌីអូរដាក់ក្នុង channel YouTube របស់ខ្ញុំផ្ទាល់ព្រមទាំងជួយរៀបចំរាល់បទចំរៀងថ្មីៗរបស់ខ្ញុំដាក់សំរាប់បង្ហាញ់បងប្អូនរាល់ពេលខ្ញុំឡើង concert ជួយថតរូបព្រមទាំងថតវិឌីអូរគឺគាត់បានធ្វើអោយខ្ញុំមានកំលាំងចិត្តខ្លាំងណាស់មានពេលខ្លះថតទល់ភ្លឺក៏គឺគាត់អង្គុយចាំបើកឡានអោយអញ្ចឹងបានថាកំលាំងចិត្តមួយនេះអ្នកណាក៏ត្រូវការដែរ ››។

ទន្ទឹមនិងសារដ៏គួរឲ្យរំភើបនេះផងដែរ ក៏មានមហាជនជាច្រើនបានលួចច្រណែន អ្នកនាងទូច ស្រីល័ក្ខ ដែលមានស្វាមីដែលល្អចំពោះនាង និងក្រុមគ្រួសារបែបនេះ៕ 

• ទូច ស្រីល័ក្ខ
• តារាខ្មែរ