ចង់លើសជាតិស្ករ ក្រោយពីបានឃើញវីដេអូ ឆាយ វីរៈយុទ្ធ ស្វីតជាមួយភរិយា (មានវីដេអូ)

ភ្នំពេញ ៖ តារាចម្រៀងសម្លេងផ្អែម លោក ឆាយ វីរៈយុទ្ធ និងកូនស្រីសេដ្ឋីស្រូវ អ្នកនាង សែ ចាន់ឌី ដែលត្រូវជាភរិយារបស់លោក បានចាប់ដៃគ្នា ដើរលើវិថីគូ អស់ពេលជាង១ឆ្នាំ មកហើយ។

ជាក់ស្ដែង ទំនាក់ទំនងស្នេហារវាងអ្នកទាំងពីរ តែងតែត្រូវបានទស្សនិកជន សរសើរមិនដាច់ពីមាត់ថា ពួកគេពិតជាស្រលាញ់គ្នាខ្លាំង ហើយជាពិសេសតែងតែបង្ហាញភាពផ្អែមល្ហែមជាមួយគ្នាជាញឹកញាប់។

យ៉ាងណាមិញកាលពីព្រឹកមិញនេះភរិយា លោក ឆាយ វីរៈយុទ្ធ បានបញ្ចេញវីដេអូដ៏ផ្អែមល្ហែមមួយរំលឹកអនុស្សាវរីយ៍ នៅពេលដំណើរកម្សាន្តកន្លងមកនៅក្នុងប្រទេសជប៉ុន និងភ្ជាប់ជាមួយពាក្យពេចន៍ដ៏ស្វីតថា ‹‹ តែងតែសប្បាយជាមួយនឹងជីវិតគូជានិច្ច ››។

ជាមួយគ្នានេះដែរ មហាជនជាច្រើនគ្រាន់តែបានមើលវីដេអូនោះហើយ សឹងតែលើសជាតិស្ករ នៅពេលបានដែលឃើញស្វាមីភរិយាមួយគូនេះ ផ្អែមល្ហែមដាក់គ្នាដល់ម្លឹង៕

ចង់ដឹងថាគូស្នេហ៍មួយគូនេះ មានភាពផ្អែមល្ហែមកម្រិតណា សូមទស្សនាវីដេអូខាងក្រោមនេះ ៖    

• ឆាយ វីរៈយុទ្ធ
• វីដេអូ
• តារាខ្មែរ