ថៃ៖ ក្រោយផ្ទុះប្រជាប្រិយភាពយ៉ាងខ្លាំង តាមរយៈការសម្តែងខ្សែភាពយន្តភាគបុរាណថៃរឿង «បុព្វេសន្និវាស» តួឯកប្រុសរូបសង្ហាលោក Pope Thanawat កាលពីពេលថ្មីៗនេះ ត្រូវបានអ្នកគាំទ្រទម្លាយឱ្យដឹងថា លោកបានទៅដើរមើលរថយន្តស៊េរីទំនើបម៉ាក Ferrari ដែលមានតម្លៃខ្ពស់រហូតដល់ជាង ១០ លានបាត ជាមួយនឹងអ្នកស្គាល់គ្នាម្នាក់ ដែលបានណែនាំលោកឱ្យទៅមើល។
ជាក់ស្តែង រឿងនេះ ពិតជាធ្វើឱ្យអ្នកគាំទ្រទាំងអស់មានការភ្ញាក់ផ្អើលយ៉ាងខ្លាំង ព្រោះល្បីមិនទាន់បានប៉ុន្មានផង ស្រាប់តែ Pope ចង់ប្តូររថយន្តថ្មីបាត់។
ស្របជាមួយគ្នានេះ ដើម្បីឱ្យអស់ចម្ងល់អ្នកសារព័ត៌មានក្នុងស្រុក ក៏បានចុះទៅសាកសួរផ្ទាល់ពីកម្លោះសង្ហា Pope តែម្តងក្នុងកម្មវិធី 2018 Year of Gastronomy។
ហើយ Pope ក៏បានឆ្លើយទាំងអស់សំណើចថា «យកលុយមកពីណាទៅទិញ? ខ្ញុំគ្រាន់តែទៅដើរមើលលេងៗជាមួយបងប្រុសជាអ្នកស្គាល់គ្នាប៉ុណ្ណោះ មិនបានចាប់អារម្មណ៍អ្វីធំដុំទេ ហើយក៏នៅមិនទាន់បានទិញដែរ»។
Pope បញ្ជាក់ថា ខ្លួនគ្រាន់តែទៅមើលលេងប៉ុណ្ណោះ ព្រោះជាមនុស្សចូលចិត្តដើរមើលរថយន្តស៊េរីថ្មីៗដែលទើបនឹងចេញស្រាប់ទៅហើយ។ ប៉ុន្តែរឿងនេះពិតជាបានទាក់ទាញចំណាប់អារម្មណ៍ខ្លាំងពីអ្នកគាំទ្រមែនទែន ព្រោះ Pope មិនមែនត្រឹមតែសង្ហាទេ ហើយថែមទាំងជាកម្លោះអ្នកមានថែមទៀត៕
មកទស្សនារូបភាពខាងក្រោមទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]