ភ្នំពេញ៖ កញ្ញា នី មុនីនាថ គឺជាតារាសម្តែងស្រីមួយដួង ដែលមានកេរ្តិ៍ឈ្មោះបោះសម្លេងនៅក្នុងសង្គមសិល្បៈខ្មែរ និងជាប់ងារថាជាតារាទឹកភ្នែកផងដែរ ព្រោះតែកញ្ញាពូកែយំខ្លាំងណាស់នៅពេលសម្តែងអាចបញ្ជាទឹកភ្នែកឱ្យស្រក់ចេញមកបានភ្លាមៗ តាមតម្រូវការ។
ហើយថ្មីៗនេះ កញ្ញា នី មុនីនាថ ក៏កំពុងតែមានភាពមមាញឹកយ៉ាងខ្លាំង នៅក្នុងការថតបញ្ចប់សម្រាប់ខ្សែភាពយន្តភាគខ្មែររឿង «ទាយាទអសុរកាយ» របស់ស្ថានីយទូរទស្សន៍ប៉ុស្តិ៍លេខ ៥។
ជាក់ស្តែងនៅក្នុងរឿងនេះផងដែរ តារាស្រីរាងតូចល្អិតរូបនេះ ក៏បានដើរតួជាមនុស្សចាស់ ដែលមានការតុបតែងខ្លួនខុសពីរឿងនានា ដែលកញ្ញាធ្លាប់បានចូលរួមសម្តែងកាលពីពេលកន្លងទៅ។
ជាពិសេសនោះគឺនៅថ្ងៃនេះកញ្ញា នី មុនីនាថ ក៏បានបង្ហាញប្រាប់នៅលើបណ្តាញទំនាក់ទំនងសង្គមហ្វេសប៊ុកខ្លួនឱ្យដឹងថា ដើម្បីខ្សែភាពយន្តភាគខ្មែររឿង «ទាយាទអសុរកាយ» នេះនាងបានលះបង់ទាំងកម្លាំងកាយចិត្តថតទាំងយប់ទាំងថ្ងៃ ហើយពេលឈឺក៏មិនអាចសម្រាកបានដែរ ព្រោះតែស្រលាញ់ការងារសិល្បៈមួយនេះខ្លាំង។
កញ្ញាបានផុសលើហ្វេសប៊ុកថា៖ «ជិតចប់ហើយរឿងទាយាទអសុរ ថតទាំងថ្ងៃទាំងយប់ ទោះឈឺក៏ត្រូវតែទៅថតដែរ នេះហើយជាការងារដែលយើងស្រលាញ់អស់ពីបេះដូង»។
សូមសរសើរចំពោះទឹកចិត្តកញ្ញា មុនីនាថ ទោះបីជាជួបការលំបាកបែបណា ក៏នៅតែតស៊ូដើម្បីការងារក្នុងវិស័យសិល្បៈផ្នែកសម្តែង៕
មកទស្សនារូបភាពខាងក្រោមទាំងអស់គ្នា៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
