កាឆយ ជ្រុះបាត់កាបូបលុយជិតកន្លះខែ​ តែសំណាងល្អវិញ ដោយសារ....

ភ្នំពេញ៖ កាលពីពេលថ្មីៗនេះ តារាកំប្លែងដ៏មានប្រជាប្រិយភាពអ្នកនាង កាឆយ សោកសៅយ៉ាងខ្លាំង បន្ទាប់ពីជ្រុះបាត់កាបូបលុយ ខណៈពេលដែលទៅចូលរួមពិធីមង្គលការមួយ ។

ដោយសារតែមានទឹកចិត្តល្អ របស់កូនក្រមុំ និងកូនកម្លោះបានទុកកាបូបលុយឲ្យនាងវិញ ដែលរយៈពេល១៧ថ្ងៃដែលកូនក្រមុំបានខិតខំទាក់ទង ដើម្បីយកកាបូបមួយនេះទៅឲ្យម្ចាស់វិញ តែទាក់ទងពុំបាន។

មិនបានប៉ុន្មានផងក៏បានទៅដល់ដៃតារារូបនេះវិញ នាងពិតជាមានចិត្តរំភើបយ៉ាងខ្លាំង ថែមទាំងបង្ហោះសារមួយថា៖ «កាលពីថ្ងៃទី21.4.2018 នាងខ្ញុំបានចូលរួមពិធីមង្គលការប្អូនស្រីរបស់លោក ឧកញ៉ាលឹមលាងនៅខេត្ត តាកែវហើយបានជ្រុះកាបូបដៃបាត់ តែសំណាងល្អកូនក្រមុំរើសទុកអោយ នាងខ្ញុំត្រេកអរយ៉ាងខ្លាំង រយះពេល17ថ្ងៃហើយដែលកូនក្រមុំខិតខំរកលេខនាងខ្ញុំទាន់តែបាន បានភរិយាសំអាតហៅខ្វេជួយប្រាប់ អគុណដល់កូនក្រមុំទឹកចិត្តដ៏ល្អកំររកបាន ដែលបានរក្សាទុកអោយបង បងសូមជូនពរគូស្វាមីភរិយា នឹងក្រុមគ្រួរសាលោក ឧកញ៉ានឹងលោកជំទាវជួបតែក្តីសុខ ប្រាថ្នាអ្វីៗបានដូចក្តីបំណង»។

ទង្វើទាំងនេះពិតជាគួរឲ្យសរសើរ និងជាគំរូដ៏ល្អមួយ សម្រាប់អ្នកទាំងអស់គ្នា ដោយពួកគេបានទុកកាបូបលុយឲ្យវិញ ទាំងដែលនៅក្នុងកាបូបមិនបានបាត់សូម្បីតែមួយរៀល ៕

ចុះប្រិយមិត្តវិញយល់យ៉ាងណាដែរ? 

• កាឆយ
• តារាខ្មែរ