ស្របពេលដែលប្រជាប្រិយភាពកាន់តែស្ទុះឡើង តារាចម្រៀងឈរតំណែងកំពូលលោក ឆាយ វីរៈយុទ្ធ បែរលេចធ្លាយដំណឹងថា តារារូបនេះកំពុងជាប់ជំពាក់នឹងចំណងស្នេហ៍ត្រីកោណទៅវិញ។
ការបែកធ្លាយដំណឹងនេះ ត្រូវបានគេមើលឃើញថា បានកើតឡើងក្រោយពេលតារារូបនេះបានរៀបមង្គលការបានរយៈពេលប្រហែលជាង១ឆ្នាំ ជាមួយនឹងកូនស្រីថៅកែអង្ករ ហាក់ សែ នៅកំពង់ចាមនោះ។
តាមរយៈប្រជាប្រិយភាពរបស់តារារូបនេះប្រាកដណាស់ថា តារារូបនេះមាននារីស្រស់ស្អាតមិនតិចទេតាមសុំស្នេហ៍ ដូច្នេះហើយទើបមានប្រភពមួយបានបញ្ជាក់ថា សព្វថ្ងៃនេះលោក ឆាយ វីរៈយុទ្ធ កំពុងជាប់ជំពាក់នឹងនារីពីរនាក់ក្នុងពេលតែមួយនោះ។
ប៉ុន្តែជុំវិញព័ត៌មាននេះ ឆាយ វីរៈយុទ្ធ បានបដិសេធទាំងញ័រមាត់ថា៖
«ស្នេហានារីពីរនាក់ណាបង ខ្ញុំអត់ដឹងផង នោះប្រហែលពួកគាត់ទើបស្តាប់បទ Original ថ្មីរបស់ខ្ញុំ ហើយអាចនិយាយតគ្នាទៅ ទើបលេចរឿងបែបនេះ។ បើបងមិនជឿស្តាប់បទនេះទៅ គឺបទ «ស្រឡាញ់អូនមួយពេល ស្រឡាញ់គេមួយជីវិត»៕»
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
