ភ្ញាក់ផ្អើល! តួកំប្លែងហុងកុងល្បីឈ្មោះ អាម៉ាប់តូច មកដល់ស្រុកខ្មែរស្ងាត់ៗ កាលពីប៉ុន្មានម៉ោងមុននេះ!

ភ្នំពេញ៖ តារាកំប្លែងហុងកុងជើងចាស់ល្បីឈ្មោះលោក Eric Tsang Chi-wai ដែលប្រិយមិត្តទស្សនិកជន ភាគច្រើននិយមចូលចិត្ត និងស្គាល់លោកច្បាស់ តាមរយៈការសម្តែងខ្សែភាពយន្តវាយតប់  កាប់ចាក់  និងបែបក្រមិចក្រមើមកំប្លុកកំប្លែង ជាច្រើនរឿងរាប់មិនអស់ រហូតត្រូវបានទស្សនិកជន ដាក់រហ័ស្សនាមឲ្យថា អាម៉ាប់តូច ថែមទៀតផង។

យ៉ាងណាមិញ មុននេះបន្តិច តារាសម្តែងវ័យ៦៥ឆ្នាំរូបនេះបានធ្វើឲ្យប្រិយមិត្តគាំទ្រកម្ពុជា មានការភ្ញាក់ផ្អើលយ៉ាងខ្លាំង ដោយលោកបានធ្វើដំណើរមកដល់ អាកាសយានដ្ឋានភ្នំពេញស្ងាត់ៗ ដោយមិនប្រាប់ដំណឹងជាមុន។

ជាការពិតណាស់ ការធ្វើដំណើរមកកាន់ប្រទេសកម្ពុជាលើកនេះ ប្រិយមិត្តគាំទ្រនៅមិនទាន់បានជ្រាបនៅឡើយទេថា លោក Eric Tsang អញ្ចើញមកដើរលេងកម្សាន្តបែបផ្ទាល់ខ្លួន ឬក៏មកបំពេញកិច្ចការងារអ្វីនៅឡើយនោះទេ។ ប៉ុន្តែមហាជនក៏សង្ឃឹមថា លោក Eric Tsang នឹងអាចរីករាយជាមួយនឹង ការដើរលេងកម្សាន្ត នៅតាមតំបន់ទេសចរណ៍ល្បីៗនានា នៅក្នុងប្រទេសកម្ពុជាផងដែរ៕

• ទីកន្លែង
• តារាចិន