នៅក្នុងថ្ងៃកំណើត បេប៊ី សម្រេចធ្វើរឿងមួយនេះជាមួយនឹងម្ដាយ!

ភ្នំពេញ៖ កាលពីម្សិលមិញនេះ ជាថ្ងៃខួបកំណើត ពិធីការិនី និងជាតារាសម្តែងស្រីរូបស្រស់សោភា ជុំ រចនាពេជ្រ ហៅ បេប៊ី គម្រប់ខួប ២៥ឆ្នាំរបស់នាង ដោយសម្រេចចិត្តធ្វើរឿងដ៏ល្អមួយ ជាមួយនឹងអ្នកម្ដាយរបស់នាង។

ជាក់ស្ដែង ក្នុងថ្ងៃខួបកំណើតរបស់តារាស្រី បេប៊ី ក្នុងវ័យ ២៥ឆ្នាំនេះដែរ នាងបានធ្វើចង្ហាន់ទៅវត្តប្រគេនព្រះសង្ឃ ជាមួយនឹងអ្នកម្ដាយរបស់នាង ដើម្បីសុំសិរីសួស្តីក្នុងថ្ងៃពិសេសរបស់ខ្លួន និងដើម្បីឧទ្ទិសកុសល ដល់លោកឪពុករបស់នាង ដែលបានចែកឋានទៅហើយនោះផងដែរ ។

គួររម្លឹកផងដែរថា កាលពីឆ្នាំកន្លងៗទៅ នៅក្នុងថ្ងៃខួបកំណើត របស់តារាស្រីរូបស្រស់នេះ ក្រៅពីនំខួបកំណើតហើយនោះ នាងក៏ទទួលបានកាដូជាច្រើនពីមិត្តភក្កិផងដែរ។

ប៉ុន្តែសម្រាប់ឆ្នាំនេះវិញ នាងមិនបានរៀបចំ ធ្វើពិធីខួបកំណើតធំដុំនោះទេ ព្រោះតែមិនមានពេលវេលាគ្រប់គ្រាន់ក្នុងការរៀបចំ គឺមានតែការជួបជុំ ជាមួយនឹងក្រុមគ្រួសាររបស់នាងតែប៉ុណ្ណោះ ៕

• បេប៊ី
• តារាខ្មែរ