អ៊ីតាលី៖ យប់នេះ ក្រុម AS Roma នឹងត្រូវបើកទ្វារកីឡដ្ឋាន Olimpico ស្វាគមន៍ក្រុម Liverpool ក្នុងជើងទីពីរនៃវគ្គពាក់កណ្តាលផ្តាច់ព្រ័ត្រនៃពានរង្វាន់ Champions League វេលាម៉ោង ១:៤៥ រំលងអាធ្រាត។
ជំនួប៤ដងចុងក្រោយរបស់ក្រុមទាំងពីរគឺក្រុម Liverpool ឈ្នះបានតែម្តងប៉ុណ្ណោះ ដោយ Roma ឈ្នះដល់ទៅ៣ដង។
៥ប្រកួតចុងក្រោយរបស់ Liverpool គឺមិនដែលចាញ់ទេ ដោយឈ្នះ៣និងស្មើ២ ចំណែកខាង Roma វិញ គឺឈ្នះ៣ ស្មើ១ និងចាញ់១ (ចាញ់ Liverpool កាលពីជើងទីមួយ)។
ក្រុម Roma ដូចជាមិនសូវមានកីឡាករអវត្តមានទេ ប៉ុន្តែខាង Liverpool វិញដូចជាមានកីឡាកររបួសច្រើនបន្តិច។
ខ្សែបម្រើ Alex Chamberlain, Adam Lallana, Emre Can នៅមិនទាន់ចូលលេងបានទេ ដោយ Joel Matip នៅបន្តព្យាបាលរបួសនៅឡើយ ហើយខ្សែការពារ Joseph Gomez វិញនៅមិនទាន់ជាពីរបួស១០០%ទេ។
គួរឲ្យដឹងថា ក្រុម Roma បានឡើងមកវគ្គពាក់កណ្តាលផ្តាច់ព្រ័ត្រនៃ Champions League ជាលើកទី៣ហើយ ដោយលើកទី១ គឺតាំងពីរដូវកាល១៩៨៣-១៩៨៤ ឯណោះ ដោយកាលនោះ ក្រុមអ៊ីតាលីមួយនេះបានឡើងទៅវគ្គផ្តាច់ព្រ័ត្រ ប៉ុន្តែត្រូវក្រុម Liverpool យកឈ្នះដោយការទាត់បាល់១១ម៉ែត្រ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
