អ៊ីតាលី៖ គ្រូបង្វឹក Roma លោក Eusebio Di Francesco បានប្រាប់កូនក្រុមរបស់ខ្លួនថា លោកចង់បង្កើតប្រវត្ដិសាស្រ្ដថ្មីបន្ថែមទៀត ដោយឲ្យកីឡាករទាំងអស់យកទម្រង់លេងពេលទម្លាក់ Barcelona យកមកលេងពេលប៉ះ Liverpool យប់នេះ។
កាលពីវគ្គ៨ក្រុមចុងក្រោយ ក្រុមដែលស្ថិតក្នុងក្របខណ្ឌ Serie A មួយនេះ បានបរាជ័យ ៤-១ ទៅលើក្រុមយក្សមកពីអេស្ប៉ាញ Barcelona ប៉ុន្ដែពួកគេអាចស្ដារស្ថានការណ៍មកវិញដោយអាចយកឈ្នះនៅជើងទី២។ ចូលមកដល់ក្នុងវគ្គពាក់កណ្ដាលផ្ដាច់ព្រ័ត្រជើងទី១ ទល់នឹង Liverpool ក្រុមស្ថិតក្នុងទីក្រុងរ៉ូម មួយនេះបានបរាជ័យដល់ទៅ ៥-២ ខណៈជើងទី២ នឹងធើ្វការប្រកួតនៅយប់នេះ។
យ៉ាងណាក្ដី លោក Di Francesco បាននិយាយដាស់តឿនដល់កីឡាកររបស់ខ្លួនថា ព្យាយមបង្កើតទម្រង់លេងយ៉ាងណា ឲ្យដូចទៅនឹងពេលដែលប៉ះ Barca កាលពីខែមុន។
«ប្រសិនបើអាច ខ្ញុំចង់ចម្លងទម្រង់លេងពេលប៉ះ Barcelona មកលេងពេលប៉ះ Liverpool យប់នេះ។ មិនត្រឹមតែតាក់តិចនោះទេ គឺទំាងស្មារតី និងភាពរឹងមាំ» សម្ដីគ្រូ Roma៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]