អេស្ប៉ាញ៖ កីឡាករ James Rodriguez បានត្រៀមខ្លួនរួចជាស្រេច សម្រាប់ទម្លាក់ក្រុម Real Madrid ចេញពីការប្រកួតក្របខណ្ឌ Champions League នៅយប់នេះ។
ទោះបីជា កីឡាករសញ្ជាតិកូឡុំប៊ីរូបនេះនៅតែមានឈ្មោះជាកីឡាកររបស់ក្រុម Real Madrid ក៏ដោយ ប៉ុន្តែរូបគេនឹងប្រឹងប្រែងឲ្យអស់ពីសមត្ថភាពដើម្បីជួយឲ្យក្រុម Bayern Munich ឡើងទៅវគ្គផ្តាច់ព្រ័ត្រឲ្យបាន។
ខ្សែបម្រើវ័យ២៦ឆ្នាំរូបនេះ បាននិយាយប្រាប់អ្នកសារព័ត៌មានថា លោកចង់ឈ្នះក្រុម Real Madrid មិនមែនលោកចង់សងសឹកក្រុមមួយនេះដោយសារតែរឿងលក់រូបលោកចេញនោះទេ។
អតីតកីឡាកររបស់ក្រុម Porto រូបនេះបានបន្តថា លោកចង់ឡើងទៅលេងនៅវគ្គផ្តាច់ព្រ័ត្រ Champions League ដោយសារតែលោកចង់ជួយក្រុម Bayern Munich ឲ្យបានពានរង្វាន់ចំនួន៣ (Triple) ដោយមាន Bundesliga, DFB Pokal និង Champions League។
គួរឲ្យដឹងថា ក្រុម Real Madrid នឹងបើកទ្វារកីឡដ្ឋាន Santiago Bernabeu ស្វាគមន៍ក្រុម Bayern Munich នៅយប់នេះ វេលាម៉ោង១:៤៥នាទី រំលងអាធ្រាត៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]